هذا انت حيّ ومعْتبرْك مْتوفّي
لفى الهفتاء10 بيت
- 1هذا أنا ما بين حزني وخوفي◆تشفّ ما دامك تحب التشفّي
- 2حاولت أطوّف غلطةٍ ما تطوفي◆لكن رمتني للسوي والمصفّي
- 3ما تستحق ارض الصداقة .. قنوفي◆لا صار ناتجها لنا ما يوفّي
- 4عليك يا من فيك ضاع مْعروفي◆عذرك بعيني مثل طرد المقفّي
- 5شف صفحتك عيّت تعانق حروفي◆وأصبحت لا ضدي ولا أنته بصفّي
- 6يا حرّ جوفي منك يا حرّ جوفي◆عدو في ثوب الصديق مْتخفّي
- 7حتى ولو قلت الخطا من ظروفي◆بقول لك روّح وهذي تكفّي
- 8خل الثقيلة دون شرهة كتوفي◆لا مات في وجهي عليك التحفّي
- 9هذي هي أطلالك وهذا وقوفي◆حتى عن مْصافحْك شيّمت كفّي
- 10وأكبر دليل إنه سمح منك شوفي◆هذا أنت حي ومْعتبرْك مْتوفّي