رسالة من غريب (هلالي قصير)
لفى الهفتاء46 بيت
- 1اسـقــوا خــلــيَّ الــبــال كــــاس مــــدام◆حــتــى يــجــاوب بــــه هــديــل حــمـــام
- 2في صبح جت شمسه بثوبٍ مـن الدجـى◆والـلـيـل عـــن بــــدره يــحــول غــمــام
- 3وأنـــا شـجــيٍّ يــــوم أفكّــــر بصـاحبي◆عــلــى نــمــارق مــثــل ريــــش نــعــام
- 4عقبـه طــوت صفـحـات الأيــام سيـرتـي◆مـقـامـهــا مـــــا هـــــو بـــــأيّ مــقـــام
- 5الـبـيـن والـعـبــرات والــجــرح مـبـتــدا◆والــحــب والـتـحـنـان مــســـك خــتـــام
- 6عـلـيـه اسـائــل كـــل ركـــبٍ واسـائـلــه◆واســهــرت عـيـنــي والـعـيــون نــيـــام
- 7يـمـرّنـي طـيـفـه مــــن الـبـيــن والـنـيــا◆ويـمــرّنــي غــيـــره مــــــرور كــــــرام
- 8لا جــاء يـمـدّ الـنـور فـــي كـــل نـاحـيـة◆أقــــول يــــا طــيــف الـحـبـيـب ســـــلام
- 9يقـبـل بـوجـهٍ كالـصـبـح فـــي صـفـاوتـه◆وعــلــيــه كـالـلــيــل الـبـهــيــم لـــثـــام
- 10ويغضـي بعـيـنٍ يبـعـث السـحـر طرفـهـا◆كـــم واحـــدٍ قــــد مــــات مــنــه قــــوام
- 11تـشــدي لـعـيـن الـوَحْـوَحـيّـة وحـولـهــا◆سيــوف حــدبٍ فــــي نــهـــار زحـــــام
- 12وظفـــايرٍ مــن فوقـــها كـنـهـا الـذهــب◆مـنـهــا لــيـــا هــبّـــت عــلـــيّ خـــــزام
- 13عــن وجـنـةٍ بـالـورد الأحـمـر تشـبّـعـت◆وأنـــفٍ كــمــا الـسـلــة وفــيــه زمــــام
- 14وجمـرٍ علـى ثـلـجٍ ومــاءٍ عـلـى عـسـل◆مـنـهــن سـقـيــت الـكـبــد بــعــد حــيــام
- 15سبحان من صـوّر مـن الحـور صورتـه◆تـــعــــدّ حــســنـــه لــــلأنــــام أنــــــــام
- 16والـيـوم بـعـده مــن هـــواي وصبـابـتـي◆اســهـــر وأنـــــادم والــنــديــم ظــــــلام
- 17حـتـى شـربـت مــن القصـايـد بـحـورهـا◆تـحــيــي هــيـــام وتـسـتـمـيــت هـــيـــام
- 18واختـرت مـن بـحـر الهـلالـي قصيـدتـي◆وجانـي عـلـى الـطـرق القصـيـر غــرام
- 19نــهــار لاقــيــت الـغــريــب ورسـالــتــه◆وبـيـنــي وبـيــنــه بـالـقـصـيـد خــصـــام
- 20قـــال الـهـلالـي قـلــت دوري ومهـنـتـي◆حــتــى ولــــوّ ابــعــدت عــنــه شــمــام
- 21مـانــي بـعـاجـز بـالـطــروق الـمـعـجّـزة◆والـشـعـر قــــوسٍ والـشـعــور ســهــام
- 22أنــا أخــذت بعـيـر كـامـل مـــن الـشـعـر◆يــومــك تــــدوّر مــــن بـعــيــر ســنـــام
- 23دامـك تجـي غـصـنٍ وريــقٍ تــرى لـفـى◆بالـشـعـر يالـغـصـن الــوريــق حــســام
- 24يـــا دويـهـيـة دنـيــاك لا جـــاك داهــيــة◆خــــلّاك فــــي دنــيــاك عـــــاد حــطـــام
- 25صـوت القـويّ ليـا صـدح فــي وسيمـتـه◆يـطـيـح مـــن خـشــم الضــعيف عــــرام
- 26الشعـر لـه حومـة مثـل حومـة الـوغـى◆مـــــا طــالـــه إلّا مـحـتـمـيــن جـــهـــام
- 27أحدٍ ضرب في سيـف وأحـدٍ رمـى سهـم◆وأحــــدٍ يــومّــي فــــي عــويـــد ثــمـــام
- 28والـشـعــر بــحــرٍ لا تــقــــرّب لـغـبّـتــه◆كـانــك عـلــى الـشـاطـي بـنـيـت خــيــام
- 29مــا هــو تــرى بالـعـمـر كـلــن تـنـاولـه◆كــــم شــايــبٍ قــدمــه طــلــوع غــــلام
- 30وكـان الشعـر فـعـلٍ عـلـى كــل سانـحـة◆حـــنـــا لـبـســنــا بــالــزمــان وســــــام
- 31يـقـولـه الـلــي صـــدق فـعـلـه يـطـاولـه◆بــرهــان مــــا طــــاول عـلـيــه كـــــلام
- 32والـلـي بيمـلـى بــه صــدر كــل غـانـيـة◆حــنــا مـلـيـنـا بــــه صـــــدور حــشـــام
- 33عــن الـتـودّد بــه كتبـنـا عـلــى الـفـخـر◆ونـرقـى مــن المـعـنـى سـفــوح عـــدام
- 34بـيــن الـرجــال الـلــي تـــدوّر مـنـاهـلـه◆فــــي كـــــل ديـــــوانٍ ســقـــاه جــمـــام
- 35تـاريــخ عُـــرْبٍ قـــد تمـالـيـت دورهــــا◆مــــا هــــو نــدايــم قـاطـعـيـن رســـــام
- 36عـلـى بـنـات الـريـح وإلا عـلـى النـضـا◆تـجـعــل مــــدارات الـوطـيــس عــســام
- 37وهـنـدٍ صــدى بـيـن النـوامـى صليـلـهـا◆ســاعـــة فــئـــامٍ مـــــا خـــــلاه فــئـــام
- 38وليـا رجـع جيـشٍ علـى ظهورهـن حـدا◆وبـيّــن شـعــاع الـشـمـس بـعــد كــتــام
- 39وبيـض العـذارى بالغطـاريـف يزعـجـن◆وحـــذف العـمـايـم بـعــد يـــوم صــــرام
- 40والـيــوم قـطّــب كـــل صـــوتٍ منـاطـقـه◆وبــعـــد مـقـضـايــب الـحــبــال جــــــذام
- 41مــن بـعـد رجــز الـحـرب رجــزٍ لفاتـنـة◆ودقّــــت ثــــلاثٍ مــــن ثــــلاث رهـــــام
- 42مـــن عـــذر صـيّــورٍ تـصـلّـي بمـوقـعـه◆جــمــاعــةٍ لـــكــــن بـــــــدون إمـــــــام
- 43وأطوي سلف وقتي على شان حاضري◆وأفــتــح مـــــن العهد الـجــديــد نــظـــام
- 44لـعــيــون ثـنـتـيــنٍ وأولــهـــن الـــعُـــلا◆عــن مــا يـحـسّ أذنـــي بـصــوت لـئــام
- 45والثانيـة ذكــــر الغـضـي طـيّـب اللـمـى◆دونــــه مــحـــارب بـالــخــوال عــمـــام
- 46يــدوم لــي سـمــح الـقـبـال أوّل الـعـهـد◆دام لــعــهـــد ســـمــــح الــقــبـــال دوام