الطفل ودموع الأمتين
لفى الهفتاء34 بيت
- 1يـا هبايـب ذعذعـي والعـبـي يــا خـيـزران◆وانزلي يا دمعة الحزن من عيـن الحزيـن
- 2فوق ما خـط قلمـي عبـر سحـرٍ مـن بيـان◆ما تعذّر هاجـس الشعـر لـو عـذره سميـن
- 3كـن حـبـري دم قـانـي وطـرسـي قرطـيـان◆وأحرفي مكسـاه مـن مـاء ورد الياسميـن
- 4لجل حسنـاءٍ مهـي بالشعـر مثـل الحسـان◆مـا تتوق لمصطفـى صـادق أو طـه حسين
- 5دون طـوفـان الشـعـر تستثـيـر العـنـفـوان◆صـانــهــا (بـالـحـمــد لله رب الـعـالـمـيـن)
- 6بإسمهـا ريـح القرنفـل يغيـض القحـويـان◆كنــــها مكتــــوبةٍ فـي ريـاض الصالحيـن
- 7هالـة أحساسـي زهت باللجيـن وبالجمـان◆ولا ســــــواها زاهية بالجمـان وباللجيـن
- 8داخـلــي للـشـعـر نـــارٍ كـنــار الـمـوبـذان◆والـمـوارد حـولـهـا مـــن أنـيــنٍ لا أنـيــن
- 9إبـتـدا لـيـل التـنـافـس بـقـلـب المـهـرجـان◆وكل ذو شعرٍ طوى صفحـة المستشعريـن
- 10في حضور أهل الأدب ترجم السر اللسان◆فـي عيونـي مثـل ميقـاف ذي قـار وحنيـن
- 11الـمـغـول يــقــود فـرسـانـهـا جنـكـيـزخـان◆والمـغـارب قــــاد فرسانـهـا بــن تاشفـيـن
- 12جيـت والمعنـى بـدر تحـت جنـح الزبرقـان◆ومـن مقـام الـفـن حطـيـت خــط ونقطتـيـن
- 13كـل ديـدب لـه مـن القبـة الـزرقـاء مـكـان◆ترقبـه عيـن البسيـطـة وعـيـن الفرقـديـن
- 14أبشروا في راس قيصر وراس الهرمزان◆وسجلـوا فـوق الفتوحـات لـي فتـحٍ مبـيـن
- 15بين غلطة من طباعة وكبـوة مـن حصـان◆قمت أغسّل مشلحـي مـن دمـوع الأمّتيـن
- 16عن لحد من تختٍ وعن كفن من طيلسـان◆ساد من هو كان مخلوق مـن مـاءٍ مهيـن
- 17يـــا مهـنّـدنـا الـحــدَب لا تـعــوّد سـنـديــان◆دام لـك فعـل أبـو حفصـة أميـر المؤمنيـن
- 18معركـة صفّـيـن منـهـا حــدوث النـهـروان◆والخبـر معـروف مـن قبـل زيـن العابديـن
- 19واعذابـي مــن زمــانٍ فـنـا سيـفـه زمــان◆مـجـد أولاده فـقـط عــن فـعــول الأولـيــن
- 20مـا حمينـا طفـلٍ اسمـه سمـيّ الزعـفـران◆أهـل مكـة منـه تحفـر صخـور الأخشبـيـن
- 21عـن غسـق ذلـه يبيـنـا نـشـبّ الشمـعـدان◆نحتـذي حــذوْ النـبـي واخلـفـاه الراشـديـن
- 22عـن قـراءة آل عمـران والسـبـع المـثـان◆شافـنـا لاهـيـن فــي مــا تقـولـه جاكـلـيـن
- 23طلـسـمـة (شـقٍّ) ورانـــا نعانـقـهـا عـيـان◆والشـوارب طولهـا مـا نفـع قصـر اليديـن
- 24دون صـالـة هـرمـزٍ حــال مـيّـة مـرزبـان◆فـي سمانـا نـيـزك وفــي مواطيـنـا كمـيـن
- 25عنـه حنـا فـي أمـانٍ وهـو مـا مـن أمــان◆عـن تفاصيـل المواضـيـع تكـفـي كلمتـيـن
- 26ليـت عُقبـه يستمـع وش تقـول القـيـروان◆حال أهلهـا مـن رحـل مـا يسـرّ الناظريـن
- 27طفلنـا دمعـه حمـر مـثـل لــون الأرجــوان◆طالـبٍ ترويـجـة الـرخـص لا قــلّ الثمـيـن
- 28كلمـةٍ بالـحـق تكفـيـه عــن بصـمـة بـنـان◆كان بعـض النـاس تلحـق وراه الأحمريـن
- 29يـا طفـل وش عـاد لــو واقـعـك كالنـيـدلان◆الصـبـر محمود والله يعـيـن الصـابـريـن
- 30وش تبي في هيّـنٍ عـام فـي بحـر الهـوان◆عقّـبـه واغـنـم وتغـنـم مـعــاك الغانـمـيـن
- 31مــا خبـرنـا نـافـخ الكـيـر يـهـدي بيلـسـان◆الثعـل يبقـى ثعـل لـو سكـن وسـط العريـن
- 32لـو قـرع شيطـان الأمـة لـذلّـك صولـجـان◆مـا لـك إلا عـون ربــك ولا غـيـره معـيـن
- 33والعتـب مـا عــاد ينـفـع لـيـا فــات الأوان◆والدليـل اللـي حصـل فــي بــلاد الرافـديـن
- 34أخـذهـا قــدّام لا تـرجــع الـعـشـرة ثـمــان◆لا تبيـع الـلـي شــرى خـوّتـك دنـيـا وديــن