أنا قسم بالله ميّت من الشوق
لفى الهفتاء12 بيت
- 1يحقّ لك رايق وصاحبْك ما راق◆يا اعزّ مخلوقٍ سكن قلب مخلوق
- 2تنزف شعورك غيّ في بيض الأوراق◆ما هزّتك فرقا ولا سهّرك شوق
- 3وانا عليك انزف ومن كل الأعماق◆اتوق واسلى عنك لحظات واتوق
- 4شفني رويت فراق واضمى لك عناق◆واضوي على شانك وانا منك محروق
- 5وسابقت بك عشّاق واشباه عشّاق◆وغنّيت لك طاروق ما هو بمطروق
- 6ونثرت لك شعرٍ ملا كلّ الآفاق◆واهديت لك باقة على ذوق يا ذوق
- 7ما هي بباقة ورد .. لا .. باقة اشواق◆مرموقةٍ ما ناسبت غير مرموق
- 8اغليك لو منك انقطع كل ميثاق◆ما دام لك في ليلي المظلم بروق
- 9لك في عيوني صورةٍ رسمها لاق◆واصبّها دمعٍ ملا الحدق والموق
- 10يا من سماك غيوم ومزون واشراق◆وارضك ورود ونبع واغصان وعذوق
- 11عيبك طعنة القلب في خنجر فراق◆ويشهد عليها داخلي دمّ وعروق
- 12وكانك عرفت الشوق وتقول مشتاق◆انا قسم بالله ميّت من الشوق