عيوني بس
قوس12 بيت
- 1تبي مني عيوني بس ... طلبك الله ياصغره◆تدلل لا يردك شي ... انا حاضر وتامرني
- 2حسبت انك بتطلبني ... شيٍ مالي به قدره◆اثاري مطلبك عيني ... تفضل لا تشاورني
- 3انا من كثر مافيني ... غلا لك بالش بكبره◆بديت أخاف انا أقبل ... بغيري بك يشاركني
- 4عسى حبي وحبك بس ... يطول ربي بعمره◆كثير اللي مزعلهم ... عساك تكون فاهمني
- 5مدامك حافظٍ قدري ... مدامي صاين العشرة◆أبحيالك سنين العمر... أحبك لين آخرني
- 6انا بعدك حبيبي بس ... عرفت أحب ما اكره◆أنا بعدك عرفت إني ... بدونك شي مايعني
- 7حبيبي لو بتسمحلي ... ابي حاجه ولا تشره◆ابي شيٍ على بالي ... ولا ظنك تعاتبني
- 8ابي واكبر ابي مرات ... على العشاق بالمره◆ابيك العاشق اللي لو ... بغيته ما خلف ظني
- 9ابيك أوله من عيوني ... إذا ساقتلك النظرة◆ابيك أطيب من ظنوني ... وابيك شويي وأكثرني
- 10ابي منك تجاملني ... وانا راضي على فكرة◆ابيك لأخر الدنيا ... معاي وما تفارقني
- 11أبي قلبك على خبري ... مثل ماني على خبره◆كثير اللي ابي وآخر ... ابي ياعمري تعذرني
- 12ابيك تقول ياعمري ... طلبك الله ياصغره◆وانا بقول ياربي ... عسى منك لا يحرمني