لا تصدق
قصي باسل13 بيت
- 1لا تصدق بشر مثلك يهمني◆يوم الهنا يوم التمشي عني
- 2على بالك أذل الروح واشتاق◆لا غلطان ماعاش اليذلني
- 3ولا انت ولا كلمن يخون يصير◆يخليني اموت بهمي والتفكير
- 4انا محير البشر والمثلي عيب يحير◆بعمري ماكدر واحد يهزني
- 5لا تحلم تجي وترد لي ثاني◆ارخص وحدك ما ارخص اني
- 6كل كلمة جرح تحجيها وتروح◆كلامك صار خالي من المعاني
- 7ماريدك ولا افكر بعد اهواك◆جريمه بحقي احبك لازم انا انساك
- 8اكسر رجلي اذا احلم مشيت وياك◆واسد اذني اذا صوتك وصلني
- 9خسارة كل لحظة عشتها وياك◆اسد اذني اذا صوتك وصلني
- 10هو انت منو تهدد تروح◆شنو خليت غير الهم والجروح
- 11تظن الروح تطلع وقت الغياب◆بس ربك اليقدر ياخد الروح
- 12يلا امشي وشوفني تعيش شلون◆قلبك اعمى واني اللي صرت العيون
- 13وبعد كل هالوفا تجازيني بيا تخون◆تربيتك مثل ماجان ظني