سألت الحب
فيصل بن خالد بن سلطان12 بيت
- 1سألت الحب عن تاريخ عيده◆و جاوبني و عندي ألف شاهد
- 2يقول افرح لقيت اللي تريده◆أنا مولود في عشرين واحد
- 3عسى يوم الهنى ربي يعيده◆و انا و إياه نحيا و نتعايد
- 4معك يا بسمة العمر الوحيده◆حبيبي بس و اغيظ الحواسد
- 5تعال نعيش في لحظتنا الفريده◆يزين الوقت و تهون الشدايد
- 6ترى الدنيا رجاويها زهيده◆و لا تسوى زعلها و النكايد
- 7احبك حب وصفي ما يجيده◆شعوري جمر و أثر الحكي بارد
- 8شعوري طفل لو خذته من ايده◆ملى دنياك إحساس و نشايد
- 9لك بقلبي عصافير و قصيده◆أغنيها و لا كل القصايد
- 10لك بروحي تناهيد و نشيده◆نرددها إلى من غبت واجد
- 11سألت الشوق و القلب و بريده◆سألت الورد و الما و القلايد
- 12
سألت وقام كلٍ يرفع ايده