احساس
فيصل بن خالد بن سلطان10 بيت
- 1احـسـاس ماحسـيت فيــه بحيـاتـي◆ولا طرالي مثــل هـذا علي البــــال
- 2كلمنـي أكثر عنـك وأترك سكاتـي◆بـتأملك وأتـخيــلك أجـمـل امــــال
- 3انت الهنــا وانت الحلــى وامنياتــي◆ويازين هالصدفة علي كل الاحوال
- 4لـقيــت فيــك انـت قربــــي لذاتــي◆تـقـرب لقلبـي بالنـوايـا والافعــال
- 5ماضيـك يـشبـه بـالالــم ذكريـاتــي◆والحيـن نـفس الحـظ والجـرح والفال
- 6طبـايـعك طبـق الاصل من صفاتــي◆أهــم شـي الصــدق فيـنـي ولازال
- 7أمشي ولاأدري وين قبلك جهاتي◆مـن جـيتـني والـدرب موعود بـوصال
- 8طاريـك يجمعنــي وينـهي شتـاتي◆مشـاعـري لك شـــوق والبـال ميـال
- 9أنـا بــقلبـي شـي وش الســواتـي◆ودي أقــوله بــس وشـــلون يــنـقال
- 10الحــب مايـستـأذنـك يــاحيــاتــي◆يلحـق علـي راعـيه بالصــبر لو طــال