اعترفلك
فيصل بن تركي بن عبد الله16 بيت
- 1لاهي نار ولاهي ما◆ولاهي غيمة ولاسما
- 2ان حكت .. غنت سنابل من رضا◆والسكوت .. إن صار نيران الغضا
- 3يارضاها ..وقف وناظر شوي◆شف غلاها .. ايش سوى بشخص حي
- 4وكيف حي ولا لقاها.. وان لقاها◆ما بقى في يدينه..شي غير انه يحتريها
- 5آه .. من قلبي نصحته◆بس عيا ينتصح نبضه يبيها
- 6آه .. منه ليه عيا◆ليه عزم يترك الكون ويجيها
- 7ماقدرت القى لهذا القلب حل◆الجواب اقفى بظله وارتحل
- 8ما بقالي .. غير انتي ياغريبه◆يارحيل .. العمر فيني يا حبيبه
- 9سولفي للناس عني◆قولي اني .. ما عرفت اختار من
- 10سولفي للناس اني◆ماعرفت .. اقرأ وجوه
- 11الحاضرين من الاحبه◆اعترفلك .. اني فعلاً ما عرفتك
- 12ما عرفت اوصل مع قلبي لحل وما فهمتك◆تجمعين الضد في كل الامور
- 13غامضة مرة .. ومرة مثل نور◆تشبهين ايام .. اوقات الخريف
- 14وتمطرين احيان.. احساسك زهور◆صدقيني صرت من بعدك اخاف
- 15واعترف ان الخلاف واسع طريقه◆واننا ما نلتقي .. في أي شي
- 16فينا اختلاف .. فينا اختلاف◆وللأسف هذي الحقيقة