الواقع
فيصل السديري8 بيت
- 1إذا بنحكي عن الواقع كثير أشياء ما تنقال◆وإذا بنسكت كثير أشيا صعبه ينحكي عنها
- 2وأنا لا جيت أبشكي لك عن الضيقه ردات الحال◆أحس إن السوالف تختلف عن مقصدي منها
- 3وش أحكي لك عن الماضي سوى انه صار هالرجال◆وأشر لك على نفسي وأقول الله يعاونها
- 4أبي ابقى الحبيب اللي تخبره صادق وما زال◆واخاف تجرحك بعض الحقايق لو أبينها
- 5تطمن ما بعد خنتك ولا حتى طرى ع البال◆أنا اللي كيف أبا أتطمن وأنا نفسي مخونها
- 6تسويها وتسترسل وتفتح دفتر الأطلال◆مدام إرتحت لك يا رب سكنها مساكنها
- 7ثقيل الحلم وأحلامي بعيده والدروب طوال◆وأنا ما ودي أحكي لك الين أحلامي أضمنها
- 8أبي ليمن حكيت أحكي ولا ألقى شي ما ينقال◆وأبي ليمن سكت أسكت ونفسي راضي عنها