كبوة جواد
فهد المساعد19 بيت
- 1صعب لامنّك فشلـت .. وصعـب لامنـك لقيـت◆إن من يكره نجاحـك .. يـدري إنـك مانجحـت
- 2أمس ضقت .. ورحت أقلّب ذكرياتي .. وأنتهيـت◆عند صورة طفل صوته مثل صوتـي لاانجرحـت
- 3وش مثـل لا والله إلا هـذا أنـا يـوم ابتـديـت◆أنطق حـروف ٍ تلعثـم فـي لسانـي لا أنمدحـت
- 4هذا انـا يـوم الحيـاه فنظرتـي عشريـن بيـت◆ومسجدين .. ومدرسه من طين كم فيها اصطبحـت
- 5هذا أنا وأصبحت اتمتم : " هذا انا " حتى بغيـت..◆.. أختنق .. بس القدر عيّا على موتي .. وطحـت
- 6وصاح صوت الطفل فيني : " أنت من وين ارتميت"◆قلت أنا المستقبل اللي فيـه كـم همـت وطمحـت
- 7أمس كنت أبيك تكبـر .. بـس والله لـو دريـت◆أني اللي عشت لأجلـه مـتّ عنـدك وأسترحـت
- 8لو دريت إن الزمان يجرّ رجلـي .. مـا عديـت◆ولو دريت إن البحور بـلا موانـي .. ماسبحـت
- 9كان دربك لي طويـل .. وكـل ماشفتـك هويـت◆قلت لك : كبوة جواد .. وما كبيـت إلا وجمحـت
- 10ليـه تسمعنـي وتمشـي ؟! آه ليتـك مـا مشيـت◆و آه ليتك مـن كثـر عثـرات الأيـام أنتصحـت
- 11ضاعت احلامي .. وظلّ الحزن فيني .. وأهتديـت◆للطريق اللي يودينـي علـى دمعـي .. ورحـت
- 12يالحزن .. ليتك مثـل دمعـي وتنـزل لا رقيـت◆بس أعرفك .. لو مسحت الدمع تبقى ما انمسحت !
- 13كان حلمي .. في وجود إنسـان يبكـي لا بكيـت◆وصار حلمي .. في وجود إنسان يفرح لا فرحـت
- 14كنت أشوف الناس مثلي كل مـا جعـت وضميـت◆مادريت إن الأوادم نـاس فـوق .. ونـاس تحـت
- 15آه يـاأول ذكرياتـي خذنـي فحضنـك نسـيـت◆لأسألك عن وجه ابوي اللي معـه يامـا سرحـت
- 16خذني فحضنك أبغفـى .. يـاه مبطـي ماغفيـت◆وإن لمحت دموع عيني .. سـو نفسـك مالمحـت
- 17خذني فحضنك .. وبعثر في جروحي وإن قضيـت◆هزّ لي كتفي .. وقل لي : عيب تبكي لو سمحـت
- 18إضحك .. وعلّم زماني من أنا .. ومن وين جيـت◆طقّ باب الحزن .. واصرخ فـيّ لامنـي فتحـت
- 19و ضمّني يمّك .. وكمّل ضحكتـك لامـن بكيـت◆ودي أذكر كيف كانت ضحكتـي لامـن فرحـت !