صمت المكان
فهد المساعد11 بيت
- 1كل ماطابت هجوسي .. رحت اسولف للزوايا◆عن فتاة ٍ كان يملى صوتها صمـت المكـان
- 2عن فتاةٍ غير كل اللـي قرينـا فـي الحكايـا◆صمتها طيش وقصيد .. وطيشها صمت وأمان
- 3باقي ٍ فيها مـن اللـي فـي طفولتهـا بقايـا◆شيطنة ضحك وسوالف .. رقّة شعور وحنان
- 4كم تزاعلنا .. وكـلٍ ينتظـر دمـح الخطايـا◆ثم سكتنا .. والزعل من بيننا مثـل الرهـان
- 5لين ماتنهي زعلنـا ضحكـة ٍ بيـن الشفايـا◆ضحكة ٍ غابت ولكـن شانهـا مـازال شـان
- 6ماذكرت الا عيوب .. ولاتركـت الا مزايـا◆سوّد الله وجه حظي .. والليالي .. والزمـان
- 7راحت وخلّت دلعها صـورةٍ بيـن المرايـا◆وين مالدّيت فيهـا شفـت ضحكـات الثمـان
- 8وشفت شامه فوق جمره سوّت بقلبي سوايـا◆آه ياهالحال منها كيف صار .. و وين كان !
- 9بس ياذاك الخفوق اللـي تلـجّ أبـك الحنايـا◆شدّ حيلك .. لاتخاذل .. مايطيح الا الجبـان
- 10مالك الا ذكرياتك وأنـت مـن بيـن الهدايـا◆حول ذاك الورد ابو عطرٍ يهـز الشمعـدان
- 11كل ماخلّت وراهـا غالـي ٍ ريـم الصبايـا◆حتى والله من غلاها .. رحت وأغليت المكان