العيش والملح
فهد المساعد8 بيت
- 1هذا انـت خنـت العيـش والملـح يامـن◆تسب نـاسٍ خانـوا الملـح والعيـش..!!
- 2كنت احسبك..وش احسبك؟!..كنت ضامن◆أنك تداري خاطـري لـو علـى ويـش؟!
- 3ماكنـت اظنـك قاسـي القلـب لامــن◆ضاقت علي وجيت لك قلت لي: ((ليش))؟!
- 4وش ليش؟! انا مابـي لـك ايّـة تضامـن◆مابـي لـك الاضحـكـةٍ كلـهـا طـيـش
- 5مابـي لـك الا ضحكـةٍ لــو تـزامـن◆مع ضيقتي طارت همـوم وخفافيـش
- 6ارقـد بهـا عـن غـدر الايـام ( وامـن)◆واحيا بها مدري بهـا امـوت واعيـش !
- 7واسـجّ فيهـا عـن هـوى كــل طـامـن◆وأروي بهـا عـروقٍ عليهـا معاطـيـش
- 8بس انت خنت العيـش والملـح يامـن◆تسـب نـاسٍ خانـوا الملـح والعيـش!!