الريح والناي
فهد المساعد11 بيت
- 1ليلة فراق و برد و بروق و رياح◆وصوت المطر يفصل اخطاها عن خطاي
- 2نقرب .. وتنبت فالوطى بيننا رماح◆حتى تلاقينا..لقا الريح والناي
- 3آخر لقا يغزل من الغيمة وشاح◆وأول لقا يمضي .. بلا موعد جاي
- 4مسحت عن وجناتها صبر وجراح◆وأنا جراحي كانت أكبر من بكاي
- 5قلت أذكريني ماهما بارق ولاح◆وأيّاك تبكيني ترى الدمع نسّاي
- 6إذا سألوك الناس .. قولي لهم : راح◆بالك يجي طاري وداعي وفرقاي
- 7ترى الفراق الموحش .. فراق الأرواح◆أما الجسد لو غبت تحييه ذكراي
- 8صدّت .. و في وجناتها الدمع ذباح◆وأنا أعتذر لعيونها عن سواياي
- 9تبكي وأنا أمسح دمعها كل ماطاح◆كنت أحسب كفوفي بتمسح خطاياي
- 10لو اجرحتني وقتها .. يمكن أرتاح◆لكنها.. وبدون كلمة ولا راي ..
- 11أقفت توّدع عمرها اللي معي راح◆وأقبلت أودّع عقبها عمري الجاي