فلت شعرها
فهد السطامي5 بيت
- 1فلت شعرها وانتثر كنه الليل .. غطـى عبايتهـا وغطـى نحرهـا◆وغطى العيون اللي هدبها مظاليل .. حتى سواد الرمش ضاع شعرها
- 2تلحفت به والعباة كنها الخيل .. ترقـص تناظـر للنجـوم وقمرهـا◆بعيونها القمرا وبحجاجها الليل .. وجمال كل الخلق ضـاع ببحرهـا
- 3لها عيون ناعسة ترسل الويل .. ورمش العيون السود زود خطرهـا◆كلي اغاني حب وكلي مواويل .. لعيونهـا ولرموشهـا ولشعرهـا
- 4ولها نظرة منها تموت الرجاجيل .. ياويل منهـو صوبتـه بنظرهـا◆فيها جمال وزادها الكحل تجميل .. فيها دلال يسحر اللـي نظرهـا
- 5صعبه لغيري ودربها لي تساهيل .. مافيه غيري بالخلايق سحرهـا◆احبها بلحيل بلحيـل بلحيـل .. راضـي انـا بأفراحهـا وبقدرهـا