حمام الاحباب
فزاع10 بيت
- 1بغيت أعلمك قبل تروح يا خلي◆إن زعلك صار هاليومين بزياده
- 2كنت أحسبك كل ما صديت متغلي◆بس للأسف صار هذا الطبع لك عاده ..
- 3بيني وبينك أشوف البعد أسهل لي◆خلاص اببعد ما دام إن عندي اراده
- 4أصفيت لك واحسب انك كنت صافين لي◆تبغي الحقيقه كرهت الحب واجهاده ..
- 5من شمس هجرك ما عاد يفيدني ظلي◆وش فيه قلبك يزيد في ليني عناده
- 6وهو من اول الى من جيته يهليوي◆ويحط لي في حنايا القلب سجاده ..
- 7ويشاغب نجوم اهل الليل ويهلي◆ويفتح لي ابواب حصنه وادخل بلاده
- 8وانا اتركه في ربيع الخافق يفلي◆مشاعري كلها برضاه منقاده ..
- 9يا كبر جرحي من الهجران يا غلي◆ما عاد جاني من الأحباب نشاده
- 10حمام الأحباب سلم لي على خلي◆لأن زعله صار هاليومين بزياده ..