تعال
فزاع8 بيت
- 1تعال وانظر في خفوقي وسارع◆الصبر طال وخايف يتلفه ياس
- 2عجزت وانا مع خفوقي اصارع◆حبك ولذة شوفتك واجمل احساس
- 3شديت احساسي بأسلوب بارع◆وخليتني في الناس ماني من الناس
- 4ودقات قلبي من غلاك تقارع◆قرع الطبول إلى احتمى الدم في الراس
- 5ياعين حر في سما المجد فارع◆يأغلى من الدانات وأغلى من الماس
- 6معك الهوى دون لفه وشارع◆من دون بوابه ومن دون حرّاس
- 7أرضٍ وسيعه وامتلت بالمدارع◆زرعت فيها صادق الحب بإحساس
- 8وحصدت عكس اللي انا كنت زارع◆غرسة هجر حصدتها دون غرّاس