مرحبا بك ياهلا
فالح11 بيت
- 1مرحبابك ياهلا ... يا هلا يا مسهلا◆جامعٍ زين و حلا ... يا حبيب الله عطاك
- 2انت ما مثلك بشر ... يا قمر خمسة عشر◆زاد همي و السهر ... من هواك و من غلاك
- 3لامني من لا درى ... بي صوابٍ ما برى◆لو تباع و تشترى ... كان انا اول من شراك
- 4لي لزوم و لي غرض ... من عفيف الى حرض◆من وقف لي و اعترض ... قلت رح وانزح وراك
- 5حاجتي يا بينها ... مير ويني و وينها◆عينها و ايدينها ... تهلك العاشق هلاك
- 6لا وصاة ولا خبر ... يا معين اللي صبر◆والله اني في خطر ... منك و اتعبني هواك
- 7المحبة و الهوى ... جرحها ماله دواء◆ليتني و انت سوا ... غصب عن هذا و ذاك
- 8عنك قلبي ما سلا ... يا هواي من الملا◆المحبة و الغلا ... لك ماهي لحدٍ سواك
- 9يا حبيب اتعبتني ... في الهوى عذبتني◆عـقب ما ولعتني ... صار قلبي في رجاك
- 10البكاء ما سرني ... يا حبيبي مرني◆شف غرامك ضرني ... من جمالك من حلاك
- 11راحة القلب و عناه ... عند مردوع الشفاة◆كل معجب في بهاه ... ما توصل مستواك