الورق الأخضر
فائق عبد الجليل32 بيت
- 1احبك ..اعبدك..اهواك◆كلام كنا نقوله سنين
- 2هوانا مغبّر ومجهول◆هوانا ذايب ومسلول
- 3انا ماكنت احبه يزول◆انت وحدك المسئول
- 4مااقدر اوضح لك◆مااقدر اقول اكثر
- 5فى لسانى الكلام يموت◆وفى عيونى الهوى تابوت
- 6..خلنا اخوان◆ياجرح الطفوله
- 7..يافرح حيران◆ياكلمه بريئه مالمسها لسان
- 8احبك..اعبدك..اهواك◆واموت ودمعتى تبكى
- 9يامصلوب على حدودى◆احبك وانت معبودى
- 10بس فات اللى فات ..وراح◆ولا يمكن بعد نرتاح
- 11جيت الحين متأخر◆الورق الاخضر على الاشجار
- 12انتظارى طال◆مااقدر بعد اسهر
- 13الثمن عندك بعض كلمات◆تكتبها على دفتر
- 14والثمن عندى عذاب وموت◆واحيانا يكون اكثر
- 15لما انا احس الفرق أتحسر◆اش تبى منى بعد اكثر
- 16انا فى وسط واقع..◆وانت فى السما تحلم
- 17كفايه ارجوك ..لا تسأل◆اخاف اجرح شعورك..لما اتكلم
- 18وفى عينى الهوى تابوت◆انت ملوّع ومسكين
- 19...مثلى تايه ومسكين◆..حنانك اروع واجمل
- 20وهواك من الهوى اطول◆انكر كل شى فى الكون واتكبر
- 21الا انت معاك..◆يابو جبين اسمر
- 22ما اقدر ولا اقدر◆اكذب لو اقول انساك مااقدر
- 23حتى لو تمر الكلمه فوق لسانى تتكسر◆وفى لسانى الكلام يموت
- 24بروح البيت◆طفلى هناك...
- 25ابوه غدار تزوجته غصب◆وضاعت الحيله
- 26وحيده اسهر◆مع طفلى الوحيد
- 27وكبرنا وذبنا فى الدنيا◆انت تلون الصفحات فى الاشعار
- 28وانا احضن الذكرى◆واموت بنار
- 29..خلنا اخوان خلنا اخوان◆...هوانا كان
- 30ساعه من شهر نيسان◆سفينه والبحر سكران
- 31لوحه والمطر الوان◆قصه كانت ومعنى
- 32
لا معنى و لا عنوان