كل صيف
غياهيب8 بيت
- 1يدق الشوق في قلبي دفوف◆تهيأ للسفر وقت المصيف
- 2تزايد بين الأضلاع الرجوف◆وانا من حر وجدي يالطيف
- 3تهيضني من النسمة هفوف◆شذى من جوّهم بارد لطيف
- 4يزاحم خاطري شوق ٍ عصوف◆و قلبي من العنا غادي رهيف
- 5انا مشتاقة اعيوني تشوف◆ملاك ٍ في خفوقي له وصيف
- 6هويتك بهوى القلب الشغوف◆مشاعر ود ما اعرف و كيف
- 7تمر الناس في عيني ضيوف◆ولا غيرك له الشان المنيف
- 8اذا عين الغلا تبغي تشوف◆نكحلها بشوفك كل صيف