يا حبي الخالد
علي الخوار8 بيت
- 1يا حبي الخالد أموت بغرامك◆والقلب يحيا بك واهو ميت فيك
- 2من كثرماحبك واذوب بكلامك◆لو ترمش بعينك انا اقول لبيك
- 3فديت صوتك لاوصلني سلامك◆وإن جيتني إتفدت عيوني خطاويك
- 4كل شي منك حلو حتى ملآمك◆لو قلت احبك وإلا لو قلت مابيك
- 5ربي رفع قدرك وعلا مقامك◆في قلب من يغليك ياروح مغليك
- 6تفرض على كل القلوب احترامك◆وشعاد في قلبٍ يحبك وشاريك
- 7اشتاق لك واشتاق عطر ابتسامك◆وان غبت عني نبض قلبي يناديك
- 8الله لايحرم خافقي من غرامك◆والله يخليني علشان أهنيك