كلام ابيض
علي الخوار10 بيت
- 1انا لي مع حظي كلام ابيض◆ما دام الحزن ما كشر انيابه
- 2على الله دايم يضحك بوجهي◆ويحسب حسابي واحسب حسابه
- 3لك الله والدنيا هي الدنيا◆وعالمك كذابة ولعابة
- 4لي الله مالي ومال هالعالم◆ويا ويل من ظن الزمن غابه
- 5يجامل وانا ما احب من جامل◆فلا ابو لا ابو بعد من جابه
- 6زماني يجيني مثل ما احبه◆وانا اجي زماني مثل احبابه
- 7وانا للمحبة فاتح قلبي◆وقلبي ابد ما قد قفل بابه
- 8ترى الوقت دايم ياخذ ويعطي◆ولا انته من احبابه ولا اصحابه
- 9عطاني كثر ما احلم واكثر◆واخذ ما اخذ مني ويهنا به
- 10مع الناس قلبي مصفي النية◆وما جاني من الله حيا به