مسالة وقت
على الخوار8 بيت
- 1مـسـألـة وقـــت...◆هي مسألة وقت بس وتفهم احساسي
- 2انّي على شان حبّك أطلب فراقك◆لا تفكّر ان العواذل لعبوا براسي
- 3مازلت احبك لقا وفراق واشتاقلك◆ما ودّي تشوف عينك طبعي القاسي
- 4أو ضعفي اللي يدوّر لحظه اشفاقك◆حبّيت أنا ابعدك عن همّي وهوجاسي
- 5وابقى بقلبك وعينك سيد عشاقك◆انت اقرب الناس لي واقرب من انفاسي
- 6وانا اعرف الناس باللّي يسكن اعماقك◆لكن - شوفة عيونك - هدّني ياسي
- 7ماقدر اعذّب شعورك واشعل اشواقك◆ما اريد تشرب مرار الحب من كاسي
- 8يكفيك بانّك معاي أتعبت خفّاقك◆انّه فراقي معك أقرب من عناقك