قلب الاسد
على الخوار10 بيت
- 1يادنيتي مجروح من وين ماروح◆ماراحت جروحي والايام راحت
- 2ياليتني نفس اذا ضاقت تبوح◆ان كان من هم الليالي استراحت
- 3كل ماخفيت جروح تظهر بي جروح◆وبوسط صدري قلة الهم فاحت
- 4وانا اكثر من الجرح ماأقول مجروح◆نفس العزيز اكبر من جروح ناحت
- 5اوقف في وجه الوقت كأني جبل نوح◆واطيح لو روحي من الجرح طاحت
- 6قلب الاسد ماهومخلوق للنوح◆تعما عيونه كان في يوم صاحت
- 7صوت الحزن من كثرة النوح مبحوح◆يشكي الجروح اللي مع الوقت لاحت
- 8وانا لجرحك يازمن قلت مسموح◆ان اقبلت دنياي وان كان شاحت
- 9ولو كل صـدر اصبح كتاب مفتوح◆ان كان كل الناس بالهم باحت
- 10والروح بعض احيان ترخص لأجل روح◆لكنها لو باحت بسر راحت