المملكة
على الخوار12 بيت
- 1لان الله يحب المملكه ورجالها الطيبين◆واهلها وكل من يسكن بقلبه في اراضيها
- 2وهبها الله وتوجها باوفى اثنين واغلى اثنين◆ابو متعب وابو خالد ضياها اللي يحليها
- 3تحيه ما تليق الا بمقامه خادم البيتين◆تخص الغالي عبدالله وتهدي له امانيها
- 4مليك عز دين الله وعزه ربنا بالدين◆تبنى بالسلام امة محمد وارتقى فيها
- 5مليك السلم عبدالله حواره حجة الضدين◆نصير الحق سيف العدل وعهوده موفيها
- 6سخى نفسه تجسد به بيمنى ما بعدها يمين◆به اسلوب الكرام اللي بياض الوجه كاسيها
- 7على يمينه وقف وافي يوفي بالوفى الوافين◆وقف سلطان لي خيره قلوب الخلق يسقيها
- 8امير لو يحط ايده على صم الصخور تلين◆ولو وزع بعض طيبه على الدنيا يكفيها
- 9قلوب الخير والطيبه بهم ما يختلف شخصين◆قلوب من خلقها الله زرع حب البشر فيها
- 10غلاهم من تواضعهم في عين اللي يشوف يبين◆وافضال كثيره تعجز الاقلام تحصيها
- 11ابو متعب وابوخالد في صدر المملكه قلبين◆عسى الرحمن يحميهم لها والله يحميها
- 12هم اغلى اثنين ضمتهم بلاد الخير وأوفى اثنين◆غلى قلب السعوديه وحب قلوب اهاليها