الطير
على الخوار10 بيت
- 1عمرك سمعت بطير يحب سجانه◆إن شافك إنته نسى وش تعني جنحانه
- 2أنا تراني طيرك اللي يحبك موت◆لو حب قلبي غيرك بدعي عليه يموت
- 3في قربك إنته نسى إنه يا عمري طير◆ما تشد عينه السما ولا يريد يطير
- 4هذا الغلا والحب من الله سبحانه◆عمرك سمعت بطير ويحب سجانه
- 5إنت زرعت الوفا وأمسيت هتانه◆وإنت الوحيد الذي أحيا علشانه
- 6ما أقدر أعيش بدونك يا دنيتي والكون◆والله وغلاة عيونك ما أنساك مهما يكون
- 7قربك لقيت الدفا لأنك ياحبي غير◆كل ما حلمت بوفا ألقاك له تفسير
- 8قبلك فؤادي أنا غارق في أحزانه◆واليوم حبك ترى نساه حرمانه
- 9يا تاج راس محبك يا تاج فوق الراس◆تحلى الحياة بقربك يا سيد الإحساس
- 10ماعمره قلبي شكى في دنيتك تقصير◆مهما يا ذخري حكى يعجز عن التعبير