الصورة المكسورة
على الخوار8 بيت
- 1بجانب كحلك ومشطك وبعض اشياء منثوره..◆وعطر غامض مثلك يخبي في الزجاج اسرار
- 2انا عشت الهوى قربك مجرد صوره مكسوره..◆على تسريحتك عاشت حبيسه كذبه وغبار
- 3اشوفك تنظرين لها بضحكه عين مسروره..◆وافكر نظرتك شوق معاها جملتين اعذار
- 4واثاري نظرتك مرت عليها بس مجبوره..◆قصدتي خلفها وجهك تشتت في مرايا الدار
- 5نسيتي واصبحت صوره مع الايام مهجوره..◆نسيتي وابتدت ترحل من البرواز والاسوار
- 6نسيتي بس خليها يابنت الناس مستوره..◆نسيتيني وانا مثلك نسيتك والزمن دوار
- 7انا نفسي بديت انسى ملامح هذي الصوره..◆دخيلك لاتخليها بالبوم الصور تذكار
- 8بديت انسى شقى نفسي ووجه الحزن وشعوره..◆وقولي لمن سال عنها تشابه صوره الخوار