ياهل الهوى
عزام8 بيت
- 1يا أهل الهوى يا شين يوم الوداعي◆يوم ٍ على العاشق كثار ٍ همومه
- 2لا صار منت لخطت الحب واعي◆تضيع في ليل ٍ تخفت نجومه
- 3الحب ما هو بالمتاجر يباعي◆مشاعر ٍ بين النفوس محكومه
- 4ما للزعل ومعاند النفس داعي◆محد ٍ على كيفه يحقق حلومه
- 5بالهون يا راعي العيون الوساعي◆لا تجرح العاشق وعقب ٍ تلومه
- 6خذ القمر من نور خدك شعاعي◆يا وردة ٍ فيها طراوه ونعومه
- 7الحب يلدغ مثل لدغ الأفاعي◆لا من هجم محد ٍ يقاوم هجومه
- 8راعي الهوى لو راح عمره ضياعي◆قيس الملوح جاه في الحب يومه