عشر اشياء
عبد المحسن بن سعيد10 بيت
- 1حشا لولا عشر خصك بها ربي عن الباقين◆ابد ماكان من شافك تطيح الناس من عينه
- 2دلع لين وشقار وخف دم ومخملية عين◆خجل ملح وجمال وصدق هنا للي تحبينه
- 3ظلمتي من يجي بعدك يجون وكنهم مقفين◆قهرتي من يجي قبلك لو انه شمس تخفينه
- 4يغاير كوكب الأرض السما الدنيا متى تمشين◆يقول انه حظيظ اللي تواضعتي تدوسينه
- 5ولو الله زوج الشمس القمر ثم انجبوا نجمين◆حشا ما جابوا اللي يشبهك نوره ولا زينه
- 6بنفسج نرجس ونوار خزامى سوسن ويسمين◆ربيع ٍ ينبت بثغرك ترى لو ما تبلينه
- 7وآنا عني خلقت آسجد لربي والتزم بالدين◆وآفكر كيف اسوي شى في دنياي ترضينه
- 8أحبك وأعشقك وأحيا بحبك لين أقول آمين◆وليف ٍ بالوفا والحب أنا اول من تعدينه
- 9وعلى الكون الحرام انه من اول خلقته للحين◆أبد مازاره اللي يحاليك بموازينه
- 10وحشا لولا حلاك اللي رفع قدرك عن الباقين◆ابدا ماكان من شافك يشوف الجنه بعينه