تعاتبني
عبد الله حمير القحطاني10 بيت
- 1تعاتبني على غلطة زماني◆وانا مابي من الحسره كفاني
- 2تعاتبني وانا ويش في يديني◆نهيت القلب لكنه عصاني
- 3معي لك قصة الحب الحقيقي◆غرامٍ بيننا مات بثواني
- 4وفا بس الوفاء صعب المناله◆غدى بعض الوفاء وهم واماني
- 5زمان الصمت يا وقت العجايب◆كفاني ما جرا منك كفاني
- 6مصير اللي بعيد الدار يرجع◆ومصير اللي يغيب يعود ثاني
- 7سنين عايشه باحضان ذكراه◆نسيت الحب لكن ما نساني
- 8انا مابي عتاب ولا ملامـه◆اريدِ اودعك وارجع مكاني
- 9سراب الوهم ما يغري عيوني◆خلاص اليوم ابـي باقي حناني
- 10واعود مثل ما قد جيت يمك◆ادور في بحر عمري مواني