بريحك
عبد الله بودله8 بيت
- 1بريحك منى خلاص واغيب عن عينك◆مدام هذي رغبتك لازم احققها
- 2وابطلبك آخر طلب الله لايهينك◆قلي أحبك حبيبي بخاطري اسمعها
- 3إذكر لقانا كيف غير لك موازينك◆هاللحظه تكفي عالاقل ابيك تذكرها
- 4ليلتها كانت شمعه تضوي بيني وبينك◆ويوم انطفت إنت الهوي اللي هب واخمدها
- 5بغيت عنك كثر ماكنت بيدينك◆وعلى كثر ماكنت كذباتك اصدقها
- 6وان شفتني لاتقول شخبارك وينك◆حتى عيوني حرام انك تطالعها
- 7خذ ذكرياتك والمحبه شوقي وسنيني◆معاك روحي انا ما ابي اضيعها
- 8وانسى الموده وكل شي بيني وبينك◆انت بحياتي غلطه لكن ما حكررها