لـــبـــيه
عبد الله بو راس8 بيت
- 1لبيه قالولك وأنا أقول لبيه◆كل من تنادي ياغلا القلب لباك
- 2كل المسامع صوتك بشوق تصغيه◆أحلى الكلام وروعته من شفاياك
- 3العهد بيني وبينك العهد نوفيه◆هذي يميني وهاتلي كف يمناك
- 4إن قلت أسوي بأمرك اليوم أسويه◆وكل شئ بأمرك يستوي يوم لقياك
- 5من قد قلبي دام حبك سكن فيه◆تسوى وغيرك ما حد اليوم يسواك
- 6غيرك يحاول وأتركه مول ما أجيه◆وإن كان زودها معي قلت ما أباك
- 7يا حلو كل الحلو حلوك يحليه◆ضيعت هذا بحسنك وضاع هذاك
- 8أقولها لبيه من القلب لبيه◆توصلك لين العاصمة وين سكناك