انا ويلي
عبد اللطيف البناي8 بيت
- 1انا ويلي و بعد ويلي و يا ويل◆طرف واحد يحب ياذا الاذيه
- 2انا احبه ونعم اهواه بالحيل◆وهو لاهي ولا يسأل عليا
- 3على بابه امر و احوم بالليل◆مثل حوم الفراشة على الثريا
- 4انا حالي كما الغرقان بالسيل◆اصوت له ابي ياخذ بايديا
- 5انا همي طفح و زاد بي الكيل◆وانا توها بعد روحي طرية
- 6انا منك ابي بالحب تجليل◆وابي يا سيدي منك الرعية
- 7انا لغيره ابد يا ناس ماميل◆ولو مال الزمن كله عليا
- 8اهو روحي ولا للروح تبديل◆وهو كل العمر واكثر شوية