هو لغرام =محاورة مع الشاعرة ثريا القاضي
عبد العلي فيلالي بالحاج38 بيت
- 1قول هو لغرام مسهر الليالي◆ملا جرب ماعذر المكوي بيه
- 2شحال من واحد تظنو بالو خالي◆وهو مسكين لي فيه يكفيه
- 3لغرام كيته صعيبة◆سال مجرب الكية بيه
- 4بين نجوم الليل يقلب على لحبيبة◆ويقول هذا ما قد لقلب عليه
- 5انا لغرام كواني شحال من كية◆وكل مرة نقول توبة وبريت
- 6وكل مرة تنقول لحبيبة هدي هيا◆تنجي نبيع نلقى راسي شريت
- 7لهلا يوريك كيت محاني◆كية ما بحالها كية
- 8لحبيب تبعته نساني◆وخلا بحور لغرام هايجة فيا
- 9اناري البنية عنداك تدعي عليا◆نبشت جراحك وهيجت مرارك
- 10قلبت فحزانك فيقت حزان فيا◆بغيت نبرد ناري قمت ضرمت جمارك
- 11لله يحفضك من كية لغرام◆جراحه و نارو ما تطفى
- 12وخا فليالي تلبس صوف لعام◆جوفك بلا بيه ما يدفى
- 13العشق اصبيا شحال هدرت عليه◆ضنيت نداوي جراحي بدوا غيري
- 14لا دوا غيري داواني ولا دوايا يشفيه◆غير قرب عشيرو وقرب عشيري
- 15لخليل علقلب بعيد◆والعين فشوفته حزارة
- 16نهار نشوفه يوم عيد◆راه العشق جنون واللوم خسارة
- 17لي يلومك خصو يفرح ويسعد◆لين يوم لوصال يمكن غدا ولا بعدو
- 18انما اللوم على لي تيعشق حد◆فخيالو يدور عليه ولا وجدو ووليفو عندو
- 19هذا لغرام ماحلاه◆بيه الروح تتعطر
- 20كلشي يتغنى بغناه◆وخا حلاوته حارة تنحر
- 21لغرام يقيص مولاه بسبة وبغير سبة◆ومع لوقت مذاقو يحلا ويختر
- 22شي يسميه لعشق شي يسميه لمحبة◆شي يقارع كاسو حتى يسكر
- 23قلت عالغرام ما نهضر◆وليت عا يمة ف ماه
- 24فيا خواض و تعكر◆لعفو ربي وحده نترجاه
- 25مايهضر ع الغرا م غير لي تقهر◆حتى يولي طير محلق فسماه
- 26ولي ماهضر عايش حياتو بالصبر◆حتى يشوف حبيب القلب حداه
- 27شدا اعضا ف الصبر◆ونقول غدا نلقاه
- 28كتزيد محبة ف قلبي تكبر◆وخا لعداب حالف ما ننساه
- 29لغرام لو كان بلعين تنظر◆كون لي بغا نصيبو خداه
- 30انما مكانو قلب فالصدر◆بحر هايج غويط قاعو و ماه
- 31كيف يدير هاد لقليب◆عوافيه شاعلة جمر كادي
- 32ما هنا ما شاف لحبيب◆ما هنى ما هناني فركادي
- 33لو كان هد لحبيب لبيب◆وعشقو للعين بادي
- 34يقلب على وصال قريب◆والا عرفو انسان سادي
- 35هدا حبيب مفشش◆حبيبي وانا عشقته
- 36حبه فقلبي معشش◆ايامي زينة بنضرة فشوفته
- 37قالوا زمان عالعشق فلمثال◆وشحال من مرة يكون محال
- 38
خصوصا ايلا كان العاشق مرا