نعم سيدي
عبد العلي فيلالي بالحاج34 بيت
- 1نعم سيدي و حنا خدام * طوع يمين الهمـــام◆يزيـد لنا فيامـــو * ربنابـالعز والتـمكين
- 2القسم الأول◆من دوحة خير الايام * صطفى لينا امـــام
- 3معلوم مقامــــو * سمية سيدي زين الزيـن◆من يومو شبل الضرغام * قدام عرب و عجــام
- 4يضاهي بكلامـــو * فطاحل فصـاحة تبيـن◆بين قرانو مقـــدام * شيمتو الرحمة و اقــدام
- 5تبان فسلامــــو * بلفقراء كان و مازال حنين◆مازال نذكرو ايــام * قريبة مقرونة بالصيــام
- 6و فكل ايامـــــو * يواسي كل من هو مسكين◆سيدي ضيـا لـعيـان * شعــار ك لا مسكـين
- 7بالدليل وبـالبـرهـان * قـل مـن يـمد اليدين◆ماشي قليل ما كــان * من افضال امير المومنيـن
- 8يا سليل دوحة لهمــام * من رفع لبلادنا لعــلام◆دام الله علامــــو * خفاق يرفرف فلخافقيـن
- 9عشنا فالامن وســلام * و مزال ليام لقـــدام◆كمال ايامـــــو * و ليس لخبار كن يقيــن
- 10يا حفيد نبينا لمجـــد * يماير لخير و ضحت تبان◆يا سبط سيدنا محمــد * ظل الالاه نعم السلطـان
- 11ولد وربى ووجـــد * سيدنا لزمان غير زمــان◆بلعزيمة مشمر لكمــام * فلمحافل قبال الامـــم
- 12مقدمو قدامــــو * فكل ظرف واوان وحين◆قـدامـو جفوا لقلام * من كل حدب و صوب اعلام
- 13تجيزكلامـــــو * و ما طرح بجدارة فتنيـن◆اسيدنا ايلا سيدنا شيـد * صروح و أمجاد البـــلاد
- 14شعبنا كان ولازال يأيد * خطواتك يـا ابر لولاد◆و مغريبنا فحدودو سيد * ما شاء الله من سنين اعـداد
- 15دركنا اسيدي لمـــرام * بدولة لقانون و الإسلام◆بتطبيق احكامـــــو * بالحق ما نفرطو فالديــن
- 16هكذا عرفونا الانــام * الله والوطن و الامـــام◆مليكنا و حنا خدامــو * شعار نـا مدى السنين
- 17سيدي رمز الشبـاب * شبابنا امرو يعنيـــك◆متعلق حق باهــداب * عرشك و بروحو يفديـك
- 18يتمنى تلقاليه سبــاب * املو فالله و فيــــك◆و الناظم قبلو ليك غلام * سيف من سيوفك صمصـام
- 19يباهي بنظامــــو * يدون مجادك تدويــن◆لعمر سخالي بمـــرام * عشت فحمى زوج كرام
- 20و لو قات سكامـــو * فحمى حصنك الحصيـن◆يا من علغيوب عــلام * رحم ملوكنا لعـــلام
- 21و الحسن مقامــــو * يكون فاعلى علييـــن◆و سيدنا عالي لمقـــام * الفد واصل لرحـــام
- 22زين لو ايامـــــو * يا مستجاب الدعا اميـن◆الفيلالي قال نعـــام * خديم سيدنا ضيا لنيــام
- 23يختم بسلامـــــو * بصلاة خير المرسلين◆نْعَمْ اسيدي سْمِيَّةْ سيدي
- 24ويدينا فيديك◆العز من الله
- 25والنصر من الله◆من فضلو يعطيك
- 26دوحة النبي عاطرة ظليلة◆يدوم الله ظلها علينا
- 27سيدي ربي خلقها فضيلة◆من سلالة طه نبينا
- 28سْمِيَّةْ سيدي خليفة سيدي◆السر الظاهر البادي
- 29واهل البيت سيادي◆سيدي ولي امرنا
- 30طاعتك علينا وجبت◆بشرع الله والرسول
- 31سيدي ملك غربنا◆يا خير ما ارضنا نجبت
- 32لبدر الناير بالسر ولقبول◆سمعنا اسيدي وطعنا
- 33ما همنا ناس حسدت◆وفهمنا اسيدي كل ما تقول
- 34ونعم اسيدي سمية سيدي◆والله يبارك فعمر سيدي