صورتي فمرايتي
عبد العلي فيلالي بالحاج19 بيت
- 1شديت فراس الخيط◆باش يعطيني الطوع
- 2نسيت بلي هو حرير◆وقلت شنو خبلو
- 3ونسيت بلي صوتي مسموع◆قلت نغوص فالضو الهايج
- 4ونروى فالنور المايج◆نغارد تخمامي
- 5ونقل عقلي ونفخم مقامي◆وحطيت راسي قدامي
- 6وتسنيت باش ياتيني الله◆ها الصورة مسقما
- 7ها النور ساطع فالارض وفالسما◆كل ماقلت يوقف
- 8والما عطشان◆غير يزيد يبلع
- 9بين الطين والنور مداكة◆بين الصفا ولخواض مشادة
- 10بين الشهاو ي ولحلامات◆خصامات ومعانقة
- 11لخيال ومنابع الضو◆فعندي عندك
- 12والشيطان حاط ميات زلاقة وزلاقة◆يقول زلق وربك يرفق
- 13وفلمرايا الصفا◆يعرفوه وجوه لخواض
- 14والشيطان ما يهمو شيخ ولا مريد◆كل واحد عندو ليه عقال
- 15يربطو يا بالشهوة يا بلمقال◆يعفس طينتو
- 16يبان لو غطاه وهو عراه◆وتقول واش ينساه
- 17هدي صورتي فمرايتي◆شوف واش تلقى فيها شبيهك
- 18هدي مرايتي وفيها حكايتي◆محال واش تلقى فيها غيرك
- 19وشوف فيها ...◆كبيرك ولا الهم تدبيرك