شرعية الداو ...ليا
عبد العلي فيلالي بالحاج24 بيت
- 1الشرعية ......شرعية الداو ليا◆شعارها تضربني و نربع يديـــا
- 2سلامك.... تخوينــي داري◆وسلامي... نــتــكمش و نغـــطي عينيا
- 3وندير لفمي كمامة ونسد وداني◆ونسد ايلا لــقيت شي باب عــــليـــا
- 4نقول لمخي تعـــطــل◆ونديــــر الــــنــية ونعــاشــر الحــيـة
- 5المعـــقول هــبل ... والدراع تــشل... والعــز تكــبل...◆والجهل اكبر رزية
- 6قــلبت فمخي على شي حاجة تــنفع قصيدة◆لقيت لكلام ما بقـــاش كلام
- 7لــقيت لفــكار ولات حصيدة◆كلا تـــها لبرودة ورشاها الدوا م
- 8كل حرف ونقطة ولات فيه مصيدة◆ولات الكلمة شكال* والمعــنى مركب ليه لجام
- 9قلت.... الشمس تدخل وخا من عين ليبرة◆والعيشة عيشة....
- 10وخا بين الصفيحة والمسمار◆القضية قضية شرعية الداو ليا
- 11وشكون يسكن وشكون يخويوه الدار◆قالي واحد.. تخلط الشغـــل عليا
- 12قلت لو ساهــلة...◆السمسار لقاوه شفار
- 13جابوه يفكهوم◆قال انا قبال هدية
- 14قالوا هــذا وا لــــي يـــتــزار◆تمتم وقال غير بيكـــوم ولا بيا
- 15ما زال يوصلـــكوم مني لخبار◆واحد خور قالي ا ش هذ المرضية
- 16هذ الناس لا شك خرج فيهوم عتبار◆مشات ايامهوم....
- 17نزل مقامهوم....◆تنكس علامهوم....
- 18بقات فيهوم غير السمية◆وكلامهوم ولا كــــلـــو خص وخيار*
- 19شي يقول علمانية....◆شي يقول اصولية.....
- 20شي يرد القضية لعديان السامية......◆شي مع .شي ضد الديموقراطية.....
- 21وشي مزال يحلم بالقومية◆وشكون بقا مع الانسانية وشي ....وشي......وشي سماها ارهاب
- 22و لا شغــلـــو تجباد لوتار◆وشي عمال يقول يا ناس يقدني لي فيـــا
- 23لي يدو فــلما ماشي بحال لي يــدو فالـــنار◆وتبقى الشرعـــية.... شرعية الداو ليا
- 24
وشكون ينصف... وجحا دق فالدار مسمار