رسالة الى شهرزاد
عبد العلي فيلالي بالحاج21 بيت
- 1ما شي حل....◆تسكت الكلمة ا و ترحــل....
- 2تمشي الكلمة بلا رجوع◆ماشي حل يركب الحرف الذل.. ..
- 3يخاف... يهبل....◆او يموت بالجوع
- 4ماشي حل باش تسكت شهرزاد ....◆حيت الدنيا ما عــطاتش الطوع
- 5ايلا تسكت شهرزاد◆شكون يسكن لجراح..
- 6ايلا تسكت ... شكون يسكت النباح...◆شكون يقول كلمة حبلى...
- 7كلمة مكلمة بارود◆شكون يقول ربي كاين موجود
- 8وخا منشورة فوق خيط راشي..◆زعما ما تقراشي..!!!!
- 9خيط رشا بالرشة...لي تفرح غير الصبيان..◆رشة التواشي..
- 10نولي لك و نقول اشهرزاد خرج الكلمة ما بين السنان◆فاجي بيها لي ما عــندو لسان
- 11مرجوعي ليك اصاحبي...◆خلي خيط النور يدوز.....
- 12يولي واضح ما يبقاشي مرموز◆نقولك اصاحبي انا وبزاف بحالي لا تسكت.....
- 13صدح بكلام تامر ...◆كلام جوفـو عامر...
- 14لا يقول لك هدرتي او سكتي كافر.◆شبهولي الكلمة بترنجة....
- 15غير يصوط الريح تطيح◆تعـفصها الرجلين العوجة
- 16...حيت خيطها على سبة ما هواش صحيح◆قالوا لي الكلمة حوت...
- 17غير تخرج ملفم تموت◆حيت ما عندها يدين ولا رجلين ...ولات بلا دين
- 18آهــك اصاحبي كتبها..◆كتبها بالفرحة صور
- 19رسم بها البسمة قمر....◆تعلمت نحب الكلمة....
- 20قدام مراتي وقدام الناس◆وايلا تسكت أشهرزاد
- 21شكون يعلمني الحكمة...◆واش تبغيني نبقا بلا راس؟؟؟