حمامة تطوان
عبد العلي فيلالي بالحاج24 بيت
- 1ياحمامة فسما تطوان◆تبهر بزينها لعيان
- 2عطا الكريم الغاني◆تاج المحاسن سهام
- 3الزين والقد الفتان◆ليس نظرت مثلو لعيان
- 4وانا الزين فناني◆يا ترى كيف نوصفو بكلام
- 5قالت يا شاعر يا فنان◆بغيت توصفني باوزان
- 6مثيل شوف عياني◆قلت امرابهجت لريام
- 7بغيت لك صورة الوان◆فيها حسن كمالك يبان
- 8عاد اللون بلواني◆محاسك ونزيح شاين ظلام
- 9نزلت صورة بلوان◆والضيم فلعيون يبان
- 10مالك لونك شاحب فاني◆حال من قاصو لغرام
- 11اش دبل خد بلعمان◆حال من بعشقو ولهان
- 12بعدن كان سعيد وهاني◆ما يطيق قوت او كلام
- 13نبع الزين قالو ظمان◆والصدر مالي بحنان
- 14شلا نحكي ويعيد لساني◆مرمر مسقول او رخام
- 15وعيون تساوي لوزان◆صفى من ما لمزان
- 16ونويف مسمق قيقاني◆حاضي جوهر لغمام
- 17شوفي من حال الورشان◆يا غصين فايق البان
- 18جاد به زماني◆قبليني بين يديك غلام
- 19اسعد من جمعو بيك مكان◆فغفلة من عيون الرقبان
- 20و عيون القاصي والداني◆يرشف من مصالك مدام
- 21ننساو الوقت ولحيان◆بالرضاوجوار االمزيان
- 22ساعة تقبلي وتباني◆بودلال مولاتي سهام
- 23ونقول ياربي يا المنان◆كمل ما بدينا باحسان
- 24يا لكريم الغاني◆بالشهادة تحسن لختام