ام القرى
عبد العلي فيلالي بالحاج38 بيت
- 1الدِّينْ عَنْدْ الله الاسَْلْام يَا أمُ ْالدّْلاَلْ◆عَاوَنِّي فَالتُّوبَة تْنَالْ بْتُوبْتِي الأَجَرْ
- 2خمَارَكْ كْسَاكْ بَجْلاَلْ يَا امْ الدّْلاَل ْ◆َخَّمرْنِي بْدُونْ خَمْرْ حَتَّى صَرْتْ سَاَكرْ
- 3طَارْ عَقْلِي بَبْهَاكْ مَا بْقَا لُو عْقَالْ◆وْكِيفْ يُعْقَالْ عْقِيـَّلْ فْالَجْوَاءْ طَايَرْ
- 4دْلاَلَكْ مُوَاِتي بْـهَاكْ مَا لُو مْثَالْ◆والدّْلاَل ْيْشَيَّبْ الّْرضِيعْ وَيْذَلّْ الَكْيَاسَرْ
- 5حُبَّكْ فَدْوَاخْلِي سَهْمْ مَسْقِي وقَتَّالْ◆نَشْتْهَرْ حَالِي فَالْبَوَادِي وكْذَاالَحْوَاضَرْ
- 6كُلْ مَنْ شَاْفِني يْقُولْ ذَا يْعِيشْ مُحَالْ◆لاَيَنْ يْعَرْفُوا سَهْمْ الَغْرَامْ مَا يْخَلِّي يْمَايَرْ
- 7امُولَاِتي حَالِي حَالْ ....وحَسْمِي نْحَالْ ....مَنْ شْرُودْ الَغْزَالْ...◆وَسْطْ الَفْيَاِفي وَالْبِيدْ
- 8عَشْقِي مَا لُو زْوَالْ .....غْلاَمْ ام دّْلاَلْ..... شْقِيقْ لَهْلاَلْ◆عَنْدْ قْرُوبْ العِيدْ
- 9السَّرّْ مَا يَخْفَى يْبَانْ فَلْحِينْ بَالْحَالْ◆بَالشّْحُوبْ والصّْفُورَة يْعــُودْ ظَاهَرْ
- 10جِيتْ نَخْفِي وَجْدِي تْبُوحْ لَنْجَالْ◆شْرُودْ وَتِيهْ ومْدَامَعْ غِيــثْ مَنْهـَامَرْ
- 11غِيرْ نَنْظَرْ بْهَاكْ تْعُودْ لَوْصَــْال◆تَتْمَزَّقْ بَالشُّوقْ أَوَّلْ مَا تْهَلّْ لِيكْ بْشَايَرْ
- 12وايْلاَ تْغِيبْ عَنْ بَصْرِي الِّليلْ يَطْوَالْ◆ونْظَلْ نَرْجَا طِيـفَكْ عَلّ يْكُونْ زَايَرْ
- 13الّْرقِيبْ والَحْسُودْ والْغُتْبَا كَادْ يْنَال◆مَنْ خْصَالِي إِنَّمَا الصَّبَّارْ يْظَلْ دِيمَا صَابَرْ
- 14يَـا رْصَامْ الَخْلِيلْ......يَا قِبْلَةْ كُلْ قْبِيلْ.....جِيلْ وْرَا جِيلْ◆حَتَّى لْيَوْمْ السُّؤَالْ
- 15يَتْسَمَّى العَشْيقْ هْبِيلْ......حِينْ الْقَلْبْ يْمِيلْ...والطَّرْفْ يَتْسَهَّدْ بْلِيلْ◆والْعَشْقْ قَالُوا قَتَّالْ
- 16يـَامَ بَحْتْ لَكْ بْعَشْقِي يَا أُمّْ الدّْلاَلْ◆يَامَ شْكِيتْ بْعَشْقَكْ فَالضَّيّْ وَالدِّيَاجَرْ
- 17فِيكْ حَسْنَاتِي و عَزّْ مَنْ الرُّوحْ وَالَمالْ◆وأنْتِ رُوحِي وْرَاحْتِي يَا أُمّْ الضّْفَايَرْ
- 18لَعْشِيـْق دُونِـي يَهْنَـا بالـَوْصَالْ◆وعَشْقَكْ غِيرْ مَا ْيِزيْد لْخَاطْرِي خْوَاطَرْ
- 19عَشْقَكْ يَـا كْحِيلْ لَـهْذَابْ هْبَالْ◆وهْبِيلْ لَغْرَامْ مَعْذُورْ فَالنَّاسْ وْ عَاذَرْ
- 20نْهِيبْ فْعَشْقَكْ الُّروْح ونْصَرَّفْ لَهْوَالْ◆ولَمْحاَن ْتْهُونْ مْعَاكْ فَالْحَرّْ والَهْوَاجَرْ
- 21عَشْقِي لِيكْ مَاهُو جْدِيدْ.....يَا قِبْلَةْ نَاسْ التَّوْحِيدْ...مَرْتَعْ شَبَابْ سَيِّدْ الأَسْيَادْ◆نَاسَكْ خِيَارْ لَعْبَادْ ...نَاسْ حِكْمَة وسَدَادْ... نَارْ حُبَّكْ فاعْضَايْ قَايْدَة
- 22يَا َجاِفي وجْفَاكْ عَلَى مَحْبُوبَكْ طَالْ◆اِمْـتَى يـَا مَحْبُوبِي نْكُونْ لِكْ زَايَرْ
- 23نَغْنَمْ مْعَاكْ مَقْصُودِي بَتْمَامْ لَكْمَالْ◆يَهْنـَا خَاطْرِي بِيكْ نْعـُودْ مُعـْتَابَرْ
- 24الْـجَيِّدْ يْجُودْ فْكُلْ حَالْ وَاحْوَالْ◆ولْبَخِيلْ يْجَـحّْ وَلَوْ عَمْرِتْلـُو مْطَامَرْ
- 25يَاكْ الَحْلِيمْ يَغْفَرْ عَنْدْ قْدَامَكْ لَزْلاَلْ◆والْفـَاسَقْ بْعِيدْ عَنَّـكْ يْظَلّْ فـَاجَرْ
- 26يَا أُمّْ الْقُرَى وَالْقِرَى فِـيْك مَازَالْ◆اِمْتَى تَكْرَمْنِي نَفْرَحْ ونْكُونْ بِيكْ ظَافَرْ
- 27أَمُولاَتِي صَبْرِي بَالله.....وفَـاَعْل الذَّنْبْ يَلْقَاهْ◆وأَنَـا ذْبُوبِي قْبَالْتِي صَرْت ْنْرَاهَا
- 28كُنْتْ فَالدُّنْيَا سَاهِي....دَأْبِي بَالذّْنُوبْ نْبَاهِي...وَاخْداَنِي الَمْلاَهِي◆دَاتِي يَا مَكْوَاهَا
- 29القسم الخامس◆امُولاَتـِـي ايْلَا يَـوْفـَا الأَجَـلْ
- 30نَرْشَفْ شَهْدْ مْصَالَكْ نْكوُن ْلُو عَاصَرْ◆امُولاَتِـي نْدَخْلَكْ مَنْ غِيرْ قِـَتاْل
- 31نْقُولْ جَا نَصْرْ الله وَحْدِي بْلاَ عْسَاكَرْ◆امُولَاتـِي نْضَمَّكْ وَنْفُـوزْ بَكْمَالْ
- 32لا َيْحَرْزَك ْمَنِّي حَرَّازْ نْحَجْ ونَعْتَمَرْ◆امُولاَتِي نَرْوَى مَنْ زَمْزَمْ عَذْبْ زْلاَلْ
- 33لاَ يْحَجْبَكْ عَنِّي مُومَنْ أَوْ كَافَـْر◆نْهِيبْ سْلاَمِي مِسْكْ فْطِيبْ ذَ الْمَقالْ
- 34لْطِيبَة الطَّيّْبَة مَنْ بَهْجَةْ الَحْوَاضَرْ◆يَاالْمُولَى غْفَرْ ذَنْبِي يَا عَظِيمْ لَجْلاَل
- 35وَكْرَمْنِي بَزْيَارَةْ طَهَ نْفُوزْ بَالدّْخَايَرْ◆لاَ تْحَافِينِي يَا كْرِيمْ اَنَـا عَبْدْ مَزْلاَل
- 36يَالْجَوَّادْ سُأْلِي عندك مَا يَلْقَى سْتَايَرْ◆يَا كْرِيمْ مَنْ قْدِيْم وعَلَى الدَّوَامْ لَا زَالْ
- 37هَذِي اقْدَامِي عَنْدَكْ قِيلْهَا شَلَّا عْتَايَرْ◆فِـيلَاِلي كَرْمُوبَمْدِيحْ النَّـِبي الْمُرْسَالْ
- 38
بْغِيتْ جْوَارُو وَجْوَارْ رْيَاضُو الْعَاطَرْ