الخويتم
عبد العلي فيلالي بالحاج19 بيت
- 1مَحْبُوبِي زَارْنِي أَسَعْدِي مَالْكِي رْضَا وْجَانِي◆هْـدَا لِيَا خَاتَــمْ وْنَدْهِيتْ بْعَقْيَـانُـــو
- 2جَادَتْ لَيَّامْ بَمْزَا رْ مَحْبُوبِي ضْيَاعْيَانِي◆بَعْدْ أَيَّسْتْ مْجِيهْ وْأَيَّسْتْ مَنْ سَلْوَانُو
- 3هْدَفْ وَلْقَانِي هبِيلْ مَنْ وَحْشُو نُومِي جْفَانِي◆ضَدْ فَعْدَايْ وْضَدّْ فَلِّي كَانُوا صَدْقَانُو
- 4جَانِي مَكْمُولْ لَبْهَا بَالصُّولاَ وْبْتِيهُوكْوَانِي◆قَسَّمْ حَتَّى يْزُورْ وْبَرّْ غْزَالِي بَيْمَانُو
- 5جَاوَهْدَالِي خْوِيتَمْ سْبَانِي كِيفْمَا مَالْكُو سْبَانِي◆وَتْلَهِّيتْ يَا وَيْحِي وَتْخَادِيتْ بْجِيرَانُو
- 6تْجَمْعَتْ خَدْمَانْ لَمْحَاسَنْ يَتْسَابْقُوعَلَى وْزَانِي◆لَغْبِيبَة وَالتِّيتْ وْلَخْدِيَّدْ وَالجُّوهَرْ فْغْصَانُو
- 7شْهَدْ لَعْنِيبْرِي لْتَاجْ لَرْيَامْ وْقَـالْ فِي مْعَانِي◆رَانِي عَسَّاسْ عَلَى خْوِيتَمْ لاَ يْهَجْمُو عَدْيَانُو
- 8خْوِيتَمْ حَاطْ بَالنّْفَايَسْ يْقُـولْ قْطَـفْ لاَ تْـوَانِي◆كْحِيلِي وَيْمَارْتُـو نُونِـينْ هُمَـا حَجْـبَانُو
- 9وَالأَنْف كَنّْ بَازصَايَلْ فَرَّادِي فْحَالُو صَلْمَانِي◆حَاضِي لَرْوَاحْ لاَ تْطِيحْ وْلَعْقَلْ وْخَرْجَانُو
- 10خْوِيتَمْ مَنْ دْرَارْ ـتْـلاَلِي صْنِيعْ رَبّْنَا لْغَانِي◆يَرْتِـيوْ كَنْـجُـومْ مَـنْ بْـعِيـدْ يْـبَـانُـو
- 11خْوِيتَمْ دْهِــيتْ عَـنُّو وَشْــنُويَا تْرَى لِّي دْهَانِي◆أَسِيلْ لْخَدّْ أَوْ لَحْظِينْ تَحْتْ لْغُرَّة زَانُــو
- 12وَالسَّالَفْ سْبِيبْ وَلاَّ سْقِيلْ حْكِيتُو يَا عَشْرَانِي◆طَجّْ مَنْ مْحَاسَنْ مَايْلُو حَدّْ مَنْ عَشْرَانُو
- 13وَتْفَافَحْ كَتْقُـولْْ أَسَعْدْ مَنْ جَا لَجْنَانِي جْـنَانِي◆هَـذَا تَـفَّاحْ يَاوْ رُمَّـانْ نْضَجْ قْــبَل أَوَانُـــو
- 14نْطَقْ لْجِيدْ بْالَفْصَاحَة يَا هْنَاكْ وَانْتَ لْهَانِي◆شْكُونْ يَخْسَرْ لَخْوِيـتَمْ وَيْعَجْـبُــو خَسْـرَانُـو
- 15مَنْ قَدَّامُو لْمَرْجَانْ وْمَشْمُومْ لْوَرْدْ لْقَانِي◆أَنْدَلْسِي مَنْ حْلاَوَةْ نَطْقُـو كْـبَرْ وَعْلاَ شَانُـو
- 16مْثِيلْ الشَّهْدْ فْلَحْلاَوَة مَنْ مْصَالُو رَانِي نْعَانِي◆كِيفْ جْرَالِي سْهِيتْ وَتْخَادِيـتْ فْجِــيرَانُـــوِ
- 17سُبْحَانْ اللهْ قُلْتْ لَلْجِيدْ مَلِّي الْخَدّْ لِيلُو خْدَانِـي◆وَصْدَرْالْـمَرْمَرشْتْهِـيتْ وْجْــنِــيـتْ مَنْ رُمَّانُـــو
- 18أَنَا الْمُولُوعْ بْلَمْحَاسَنْ وَالشِّيطَانْ مَا غْـــوَانِي◆نَعْمَلْ لَحْرَامْ وْ الّْـذِي نْهَـانِي رَبِّي فْــقُرْآنُــو
- 19وَاسْمِي مَوْضُوحْ فِي اخْتَامْ قَوْلِي مْعَ اوْزَانِي◆فِيلاَلي يَطْلَبْ لَكْرِيـمْ يَغْـفَرْ لُو كُـلْ عَصْيَانُو