التكريه معولم
عبد العلي فيلالي بالحاج17 بيت
- 1وزعـوا......◆وخا حرام لوزيعا
- 2جروا ودفعــوا...◆وتقول خاصانا غير دفيعا
- 3جيعـونا وشبعــوا....◆حيث خيفانين من الضيعا
- 4نشبونا وقلعــوا.....◆قالوا الراس بلا نشوة خاصو لقطيعا
- 5فالليل لبهيم موكا تبحصص◆والخوافة ما يشوفو موكا
- 6ترقد فعين الشمس وعلى النعمة تتلصص◆تحضي بياعين الشمة والشوكة
- 7عيبنا لي هو فينا◆مول لبغل هو لي يعس
- 8ولكلمة لحلوة الزوينة◆ولكلمة مقسومة فالنص
- 9نصها مضبوع...ونصها مرجوع ...◆ونص بقى بين الضلوع
- 10مكبر لغبينة◆كلمة شبعت حتى متخومة
- 11وكلمة مقجوجة ملجومة◆ايلا خرجات تولي تهتريف ... تولي مسمومة
- 12الفيش والزواق ودواخلنا مهزومة◆نعلقوا ونعلقوا والكلمة مقسومة
- 13التمكريه...◆والتمكريه فيه ما فيه
- 14معولم ومقولب....◆ضربة فالراس والحريق فالعرقوب
- 15والراس مكره مسلوب ...◆مسيح ....مشيخ... ...مجدوب
- 16الجنازة حامية والميت كلمة◆كلشي رافد فيها حسيفة
- 17ولكلمة مساعفة بهمة◆حيث ما كتخسرش السيفة