اساداتي اولاد طه
عبد العلي فيلالي بالحاج47 بيت
إهداء
أَسَادَاتِي اوْلادْ طَهَ حْنَاَ فْحُرْمْكُومْ
- 1زَكَنَاَ فْشُورْكُومْ◆عَالْجُونَا بَهْدَاكُم ْيَا اهْلْ الْبِيتْ الْْعَدْنَانِي
- 2أَسَادَاتِي اوْلادْ طَهَ شَارْقَة انْوَارْكُومْ◆وسْلاَمْ ظَلْكُومْ
- 3فَرْضْ لَكْتَابْ وَالسُّنَّة الْهَدْيْ الرَّبَّانِي◆أَسَادَاتِي اوْلادْ طَهَ حُرْمَةْ جَدّْكُومْ
- 4دْخِيرَةْ كَنْزْكُومْ◆لَيْسْتْ تَتْقَاضَى طُولْ لَزْماَنِي
- 5أََسَادَاتِي اوْلادْ طَهَ صْفَاَ مَعْدَنْكُومْ◆يَبْرِيزْ ذ َهَبْكوُمْ
- 6لَيْسْ يَبْلَى ولا تَكْسِيهْ لَدْغَانِ◆أَسَادَاتِي اوْلادْ طَهَ بَالْعَزّْ مَدّْكُومْ
- 7رَبّْنَا كْرَمْكُومْ◆بَالنّْسَبْ لْطَهَ حْبِيْبَنا نَعْمْ ْ الدِّيَّانِ
- 8أَسَادَاتِي اوْلادْ طَهَ الطِّيبْ سِيرْتْكُومْ◆وْلَنْسِيبْ لِيلْكُومْ
- 9نَالْ الْحُظْوَة فْالْقُومْ فْسَايَرْ لَزْمَانِ◆أَسَادَاتِي اوْلادْ طَهَ الْحَقّْ مَنّْكُومْ
- 10بْشْهَادَةْ غِيرْكُومْ◆مَا يْجَهْلُو عَالَمْ بَشْرِيعْةْ الْمَدَانِي
- 11أَسَادَاتِي اوْلادْ طَه أَسَعْدْ أْجِيرْكُومْ◆عَسَّى خْدِيمْكُومْ
- 12هَدَاكْ بَمْحَبَّتْكُومْ سِيدْ النَّاسْ هَانِي◆أَسَادَاتِي اوْلادْ طَهَ مَقْيَاسْ حُبّْكُومْ
- 13مَنْ حُبّْ جَدّْكُومْ◆هَادِي وْصِيْتُو عَمَّتْنَا وَاضْحةَ بَبْيَانِ
- 14أَسَادَاتِي شِي نَاسْ عَاشُو فْخِيْركُومْ◆وْنَكْرُو خِيرْكُومْ
- 15كِيفْ نْسَاوْ نْعَايَمْ كَافْرِينْ بْرَبّْ لَكْوَانِ◆أَسَادَاتِي اولاد طه عْبُدو شَهَوْتْهُومْ
- 16هُمَا وْغِيْرهُومْ◆الحُرِيَّة عَنْدْهُومْ حَقّْ مَا تْوَصْفُو لَمْعَانِي
- 17يَْسَمَّيو راسهوم ْ حْرَارْ حَتَّى دِينْهُومْ◆وهَّو شْرِيعْتْهُومْ
- 18هَدَا َ جَهْلْ كُلْ مَعْمِي لَبْصِيرَة جَانِي◆َتْقَوْلُوفَنْبِينَا بَاطَلْ زَادُو فْغَيّْهُومْ
- 19وْنَاسْ زِيْهُومْ◆ْمَشَاوْ مَنْ وْرَاهُومْ قَافْلاتْ وْرَكْبَانِ
- 20رَسْمُووْ َكتْبُو وَتْسْهْزَاُوْ بَاَنْ عِيبْهُومْ◆فَضْحُو سَرّْهُومْ
- 21حْيَاوْ عَرْقْ الجْدَامْ بَعْدْ كانْ مِيَّتْ فَانِي◆وَلِّي اسْتَهْزَاوْ بِيهْ لاَ شَكّْ سِيدْ سِيدْهُومْ
- 22هُوَ نْدِيرْهُومْ◆جْحِيمْ لَخْلُودْ .حِزْبْ الشَّرّْ الشِّيَطانِي
- 23ايْلاَ خْفَات أْصُولهومْ شُوفُو افْعَالْهُومْ◆كْدَلَكْ حَالْهُومْ
- 24مَنْ قْدِيمْ يْكَايْدُو و من ْسَالَفْ لَزْمَانِ◆سِيدْ الّْرسُولْ الْهَادِي ايْلاَ يْهَمْهُومْ
- 25شَلاَّ حْمَلْ هَمّْهُومْ◆سِيدْ الاعْرَابْ وْعَجَمْ كَافِيهْ الْغَانِي
- 26بِيهْ نَقْشَعْ ظْلامْ الْجَهْلْ أَسْمُو فْدِينْهُومْ◆بِنَّا وْبِينْهُومْ
- 27للاسْفَارْ وْلَكْتُوبْ وْساَبَقْ لَدْيَانِ◆ايلا كَانْ بالْمَالْ جاهوم حْنَا غِيرْهُومْ
- 28خَلِّينَا رِيّْهُومْ◆لَشْرِيعَةْ لَسْلامْ الوَاضْحَة لْلْعْيَانِِ
- 29و الْعَايْشِينْ بِينَاْتنَا طَهَ خْصِيمْهُومْ◆لَلْذِي ظْلَمْهُومْ
- 30هَدِي خْلاقْ نْبِينَا من غِيرْ بُرْهَانِي◆السّْمَاحَة هِيَ طْبَاعْنَا وْهُمَا وِيحْهُومْ
- 31لَفْجُورْ صِيْفْتهُومْ◆كِيفْ يَسْتَحْيَا مَنْ يَمَّاهْ وْكُلّْ أَهْلوُ زَانِي
- 32استغفر الله من الْفَحْشَا وْهِيَ فَعْلْهُومْ◆لِيهُومْ كِيدْهُومْ
- 33يْحِيقْ بهم مَنْ دُونْ رِيبْ الْكِيدْ الرَّبَّانِي◆الْحَقْ وَاضَحْ كَنْ َشَمْسْ وْهُمَا عْمِيْتْهُومْ
- 34بَيْتُو نِيْتْهُومْ◆نِيَّة جَاتْ فِيهُومْ قُومْ الْعَصْيَانِي
- 35سِيدْ النّْبِي اقْبَلْ عَذْرِي جُهَّالْ كِيّْتْهُومْ◆وَلِّي يْعِينْهُومْ
- 36جَاهَلْ قْدَرْ النّْبِي شَارَقْ النُّورْ السَّانِي◆حْنَا لِّي غْفَلْنَا هَدْيَكْ حَسْبُونَا مَنّْهُومْ
- 37وتْبَعْنَا دِيّْهُومْ◆ضَاعْ دَلِيلْنَا و احْتَارْ الْقَاصِي والدَّانِي
- 38مشينا فطريق ضلالهم سَنْنَا بْسَنّْهُومْ◆دنوبنا دنوبهوم
- 39بعْشُورْ الوَاقَعْ مَنْ ذَنْبْنَا نْقَاصِي وَنْعَانِي◆حَدّْ الله ا سيد الرسول بينا وبينهوم
- 40مَاحْنَاشْ مَنّْهُومْ◆من تَبْعُو الضَّالِّينْ مَنْ نَاسْ زْمَانِي
- 41غَدَّا يُومْ المَحْشَرْ يَاكْلُو رِيْتْهُومْ◆وانا بالله وبيك مؤمن بقلبي وكناني
- 42ولساني لَوْمَا رَبَّاهْ قَوْلَكْ كُنْتْ نْدَمْهُومْ◆مَنْ َجَنْسْ سَمّْهُومْ
- 43ونْجِيبْ ونْعِيدْ فيهوم فَسْجِيْتِي وَوْزَانِي◆خَلِّيتْ لْهُومْ الله تَبّْ وْتَبَّتْ يَدّْهُومْ
- 44بْأَفَة تْعَمّْهُومْ◆كيف عَمَّتْ كَمْ مَنْ قُومَانْ وْبَلْدَانِ
- 45وحْرُوفْ اسْمِي عَمْدَا نْزِيدْهُومْ◆ايلا يْفِيدْهُومْ
- 46قُولْ الفيلالي وَاضَحْ صَغْتُو فَمْعَانِي◆يا ربي هْدِي خُّوتْنَاصْلَحْ رِيّْهُومْ
- 47بْفَضْلَكْ عِينْهُومْ◆ورْضِينَا وَرْضَا عْلِينَا يَا نَعْمْ الْمَنَّان