ابتهالات
عبد العلي فيلالي بالحاج54 بيت
- 1الرَّحْمَانْ الرَّحِيمْ◆يَا الرَّحْمَانْ وْسَابْقَة الرَّحْمَة فْعِلْمَكْ
- 2يَا الرَّحِيمْ جَلّْ وَتْعَالَى بَلَجْلاَلْ إِسْمَكْ◆يَا لْحَلِيمْ وَشْمَلْ لْخَلْقْ كَافَّة حَلْمَكْ
- 3يَا لْكَرِيمْ شْمَلْنِي بَرْحَمْتَكْ وْ بْعَفْوَكْ◆يَا لْعَلِيمْ وْ عِلْمَكْ عَمّْ جْمِيعْ لْخَلْقْ
- 4سَمِيعْ مَاجَدْ أَوَّلْ وْلاَ شِي قَبْلُو سْبَقْ◆آخِرْ لِيهْ الْعُتْبَى حَقّْ وْكُلّْ شِي لِيهْ حَقّْ
- 5ظَاهَرْ بَاطَنْ مَا تَنْرَدْ كْلَمْتُو فْغَرْبْ أَوْفْشَرْقْ◆سُبُّوحْ قُدُّوسْ رَبّْ لْمَلاَيْكَا وَالرُّوحْ
- 6عَفُوّْ غَفُورْ شْدِيدْ لَعْقَابْ مَالِكْ الْمُلْكْ◆مُومِنْ نُورْ مْهَيْمَنْ عَلَنْوَارْ وَالصّْبُوحْ
- 7بَكْلَمْتَكْ نْشَاتْ لَـكْوَانْ وَسْبَحْ لْفُلْكْ◆يَا لْجَبَّارْ وَيْذَلْ الطَّاغِي فَكْبَالْ الذَّلْ
- 8سُبْحَانُومَا يْحَافِي مَنْ بْإِسْمُو الأَعْظَمْ تْوَسَّلْ◆قَيُّومْ عَلْمَخْلُوقَاتْ لاَيَسْهَا وْلاَ يْكَـلّْ
- 9وَدُودْ لْمَنْ دْعَاهْ وْفَدْعَـــاهْ مَا عْــيَا وْلاَ مَـلّْ◆يَا بَاسَطْ لَرْزَاقْ لَلْمُومَنْ وَلْكَافَـرْ سْوَا
- 10يَا لْمَحْمُودْ وْحَمْدَكْ لَلنَّفْسْ دْوَا◆يـَــا مْصِـيَّر لَهْـوَا رْيَاحْ وْلَرْيَاحْ هْــوَا
- 11يَالْخَبِيرْ بْعَبْدَكْ مَنْ غِيرْ مَا دْوَى◆يَا لْحَفِيظْ مَنْ شَرّْ لَقْدَارْ فَالْأَرْضْ وْفَالسّْمَا
- 12يَا لْعَلِيمْ بَبْطُونْ لْحُوتْ فَغْـوَارْ لْمَا◆يَا السَّتَّـــارْ وَخْلَقْـتِـينَا بْغِــيرْ هَـدْمَـــة
- 13يَا السَّمِيعْ مَنْ دْعَاكْ وَلَوْ يْكُونْ بَكْمَة◆يَا لْوَاجَدْ لْدَعْوَةْ لْمَظْلُومْ فْكُلّْ أَوَانْ
- 14لْكَامَلْ وْلاَ يْلُوحْدُودْ بَزْمَانْ أَوْمْكَانْ◆يَا لْبَصِيرْ وْلاَ تَدْرَكْ كُنْهَكْ لَعْيَانْ
- 15يَالْجَلِيلْ وْمَتْجَلِّي بَبْهَاكْ عَلَكْوَانْ◆يَا لْعَظِيمْ لَقْوِي عَلَى مَنْ وْبْقُوْتُو تْكَبَّرْ
- 16يَالرَّؤُوفْ بْلَخْلاَيَقْ ولأُمُورْهَا مْدَبَّرْ◆يَالْفَتَّاحْ ابْوَابْ لْخِيرْوْلَمْفَاتَـحْهَامْيَسَّرْ
- 17يَا لْوَهَّابْ وَلْقَابَضْ لِّي خْوَا وْعَمَّرْ◆يَا النَّافَعْ جْمِيعْ لَخْلاَ قْ مَنْ جُودَكْ وَاحْسَانَكْ
- 18يَا لْمَاجَدْ لْحَيّْ لَعْفُوّْ لَجْمِيعْ مَنْ سَالَكْ◆تَبْلِي يَا ضَّارْبَالضَّرْ لْمُومْنِينْ مَنْ كْمَالْ سُلْطَانَكْ
- 19يَا الرَّافَعْ الدّْنِي يَا لْمُغِيثْ مَنْ لَمْهَالَكْ◆يَالْحَفِيظْ عَلْنُّفُوسْ مَنْ مْسَالَكْ شِيطَانْ
- 20يَا الَّلطِيفْ بْلَجْسَادْ مَنْ حْرُورْ نِيرَانْ◆يَالْخَبِيرْ بَلْخَافِي بْمَا يْكُونْ وْمَا كَانْ
- 21لاَ إِلاَهْ إِلَّاكْ بَارِي مُصَوِّرْ فْغَايَةْ الإتْقَانْ◆حَكَمْ تَفْصَلْ بِينْ لَخْلاَيَقْ عَدْلْ غَفَّارْ
- 22عْزِيزْ وْعَزُّو فْكُلّْ شِي سـَـرّْ وْ جْهَــارْ◆مَتْكَبَّرْ مُذِلّْ ذُو لْكِبْرْ وَجْمُوعْ لْكُفَّارْ
- 23سَلاَمْ عَلَى كُلّْ مَنْ ذَكْرُ بْلِيلْ أَوْ بَنْهَارْ◆صَبُورْ عَلَى مَنْ عْصَاهْ عَسَّى يْعُودْ وَ يْتُوبْ
- 24مُحْيِي مُمِيتْ مُعِيدْ يُومْ لَجْسَادْ تْدُوبْ◆مُعْطِي لَمَانْ لَعْبَادُو رَغْمْ لَوْزَارْ وَالذّْنُوبْ
- 25مَجِيدْ مَاجَدْ مُجِيبْ فَلْحَزَّاتْ وْلَخْطُوبْ◆كْبِيرْ وْلاَ كْبِيرْ سِوَاهْ مَهْمَـاكَانْ وْ صَــارْ
- 26وَشْكُونْ يَطْغَى وْفُوقُــو لَقْوِي عَالَمْ لَسْرَارْ◆خَالَقْ لَشْيَاتْ مُبْدِيهَا بْلاَ مَا يْحِيرْ أَوْ يَحْتَارْ
- 27كُنْ فَيَكُونْ قَوْلْ لْوَاحَدْ لْقَــادَرْلَحْكِيمْ لْقَــهَّــارْ◆ذُو لْجَلاَلْ وَالإِكْرَامْ حَمِيدْ جِيَّدْ مُوجُودْ
- 28مَهْمَا جَحْدُو فَضْلُو وَاحْسَانُو لَجْحُودْ◆غَنِيّْ مَتْعَالْ عَلَخْلاَيَقْ كَانْ وْبَاقِي مَحْمُودْ
- 29وَاحَدْ فَرْدْ لاَ لُوشْرِيكْ وْغِيرُو مَعْدُودْ◆شَكُورْ لْمَنْ سْبَقْ بْلَحْسَانْ عَنْدُو وَاخْتَارْ
- 30اللهْ جَلّْ جْلاَلُو فْلَلْوَاحْ وْلَكْتُوبْ وَالأَسْفَارْ◆مُعِزّْ لَلْمُومْنِينْ فْكُلّْ أَوْقَاتْ وْفْكُلّْ امْصَارْ
- 31لِيهْ لَهْرُوبْ مَنُّو لْكُلّْ مَنْ هَدُّو حِيلُو لَوْزَارْ◆مَالَكْ يُومْ الدِّينْ بَاقِي وْكُلْشِي دُونُو فَانِي
- 32مْجِيدْ كْرِيمْ بَرّْ بَلْمُومْنِينْ وَلِّي حْنِينْ عَانِي◆مَسْتَاجَبْ يْقِينْ حَصْنْ شْدِيدْ مَا شِيّْدُو بَانِي
- 33قْرِيبْ قْرَبْ مَنِّي لِيَّا وْمَنْ حَاجْبِي لَعْيَانِي◆يَا لْبَاعَثْ لْفَانْيِينْ مَنْ التُّرْبَانْ يَا لْمُقِيتْ
- 34تَعْلَمْ وَقْتْ السَّاعَة وْتَحْكَمْ فَلْمَحْشَرْ◆يَالْحَسِيبْ عَلْفْعَالْ وْلَقْوَالْ وْلَقْلُوبْ النِّيتْ
- 35يَا لْمُحْصِي لْمُقْسِطْ وْلْكُلّْ شِي مْقَدَّرْ◆يَالْوَكِيلْ عَلْضَّعِيفْ وْمَلَّا يْلُو حَوْلْ وْلاَ قُوَّة
- 36يَالْمَقْتَدَرْوَلْحَبْلْ لَمْتِينْ الْمَنْتَقَمْ ذُو السَّطْوَة◆يَالْبَدِيعْ لَلْمَخْلُوقَاتْ بْلاَ زَلَّة وْبْغِيرْ هَفْوَة
- 37يَالْوَارَثْ بْلَبْقَا يَالْهَادِي وْلَهْدَى لَلْخَلْقْ حُظْوَة◆لَيْسْ كَمِثْلِكْ شَيْ يَا لْعَلِيّْ لَعْظِيمْ الصَّمَدْ
- 38يَا وَالِي مَلاَّ لُو وَالِي لْوَاحَدْ الأَحَدْ◆يَا لْمُقَدِّمْ الرَّحْمَة فَاقَتْ رَحْمَةْ لْيَمّْ عَلْوَلَدْ
- 39يَا لْمُؤَخِّرْ لْعَدْلْ وْمَا يْحَصْرُو أَبَدْ◆اللهُ الَّذِي لاَ إِلاَهَ إِلاَّ هُولْمَسْتَغْنِي بْلاَ مَالْ
- 40لْمُبْدِي مَنْ غِيرْ شِي لْمُحْصِي لْعَدَدْ◆لْجَامَعْ لْمَانَعْ لْحَقّْ لَقْوِي الرّْشِيدْ بْلاَ حَالْ
- 41لْمُغْنِي عَنْ الشّْرِيكْ ولاَلُوكُفُؤًا أَحَدْ◆تُوَّابْ وْبَابْ تُوبْتَكْ مَفْتُوحْ لَلْمُوَابَدْ بَاسْتِغْفَارْ
- 42وَلِّي بْحَالِي خَطَّاءْ مَا سَاعَـتُوأَرْضْ وْلاَ دَارْ◆مْزَاوَكَ فَحْمَى لَكْرِيمْ قَبَّالْ لْعَاصِي خَايَفْ النَّارْ
- 43ايْلاَ يْوَاخَدْنِي بَذْنُوبِي يَخْرُجْ فِـَّيــا عَــتْبَــارْ◆شْهِيدْ نَاظَرْ مَا خْفَاتُو فَالأَرْضْ وْ فَسّْمَا خْفِيَّا
- 44يَدْرِي جَرْمِي وْكِيفْ يَخْفَى وْهُوَ نَاظَرْ لِيَّا◆عَبْدْ وَاقَفْ فْبَابْ مُولاَهْ بْفَضْلُو يْتُوبْ عَلِيَّا
- 45ايْلاَ يَقْبَـلْنِي عَــنْدُو فَـزْتْ لاَشَـكّْ وْرَبِّي بَمْــزِيَّا◆لَيْسْ يَخْفَى جُرْمِي عَلَى مَلاَّ يَحْتَاجْ خْبَارْ
- 46وْكِيفْ يْوَاخَدْ مَنْ حْسَنْ ظَنُّو فَـــلْــغَــفَّــارْ◆فَاشْ جَاتْ ذْنُوبي قُدَّامْ غُفْرَانُولَجْمِيعْ لَوْزَارْ
- 47وْفَاشْ جَاتْ عْلاَلِي قُدَّامْ لْفَـايْــزِينْ لـَخْـيَـارْ◆نَعْمْ لْجُوَّادْ لْمُقْتَدَرْ غَوْثْ لْمَلْهُوفْ مَثْـلِي
- 48يُومْ لْمَرْجُوعْ لِيهْ سَاعَةْ مَا يَوْفَى أَجْلِي◆حَامَــلْ مَنْ الذّْنُــوبْ جْبَالْ تْـقَـالْ بِهَا حَــمْلِ
- 49مَقْيُودْ وَلَا دُونَكْ يَا الرَّقِيبْ يْفَكّْ قَيْدْ كَبْلِي◆نَرْجَا مُولاَيَا يْخَفَّفْ حْسَابِي وَيْيَسَّرْ سُؤْلِي
- 50وْلاَ يْوَاخَدْنِي سِيدِي بَعْمَالِي وْشَرّْ فَعْلِي◆خْتَمْ لِي بَلْحُسْنَى مَا نْكُونْ عَنْدَكْ شَـــاقِي
- 51وْحَضَّرْ لِي الشّْهَادَة مَادَامْ فْلَعْمَرْ بَاقِي◆وَجْعَلْنِي مَنْ أَهْلْ السّْعَادة وْكْونْ لِي لْوَاقِي
- 52ايْلاَ أَنَا غْفَلْتْ وَسْهِيتْ أَوْ زَلَّتْ سَاقِي◆عَمّْ بَرْحَمْتَكْْ لْمُومْنِينْ يَاوَاسَع بَلْطَافَكْ لَخْفِيَّة
- 53وْبَصْلاَتَكْ الدَّايْمَة عَلَى نْبِينَاطَهَ وْشَفّْعـُـو فِــيَّـا◆وَلْوَلْدِينْ رْحَمْهُومْ لَحْسَانْهُومْ وْمَاسْدَاوْ لِـــــيَّا
- 54
وْتُوبْ يَا رَبِّي عَلَى كُلّْ مَنْ فِــيهْ شِي بْلِـيَّـا