حيوا ملكنا
عبد العزيز بن دريويش الحارثي16 بيت
- 1حيوا ملكنا وحيوا دارنا حيه◆تحيه بسم كل الشعب نهديها
- 2هذا السعودي وهذي السعوديه◆الله يعز أهلها ويعز واليها
- 3ياقبله الأرض منصوره ومحميه◆راياتك الخضر فوق الشهب عليها
- 4يادارنا كل أبونا لك فداويه◆يامن لعينك حياض الموت نرويها
- 5فينا الكرم والشجاعه فيك ماريه◆تشهد لنا حاضر الدنيا وماضيها
- 6قولو لمنهو عليها ناويٍ نيه◆وشلون تنوي وفينا واحدٍ فيها
- 7الجيش جيش الوطن ماهوب عاريه◆ولا تخضع الروس غير لوجه باريها
- 8والدار محكوم شرقيه وغربيه◆بحر العرب من جنوب إلى شماليها
- 9محمد محمد إلي ماحدٍ زيه◆علم بنا فأول الدنيا وتاليها
- 10الأمر محسوم والدعوه سعوديه◆الى عنان السماء لازم نوديها
- 11الدرب مرسوم والرؤيه حقيقيه◆يابآني الجيل بانت لك مواريها
- 12ونسقيك من رايح الأمزان وسميه◆تزهر فياض الحبيب ومن سكن فيها
- 13العشق عشق الوطن والحب يابنيه◆ننساه دون الرياض ولأجل أراضيها
- 14عاشت بلاد الحرمين السعوديه◆الله هو الي عظيم الشأن حاميها
- 15حنا هل الحرب لامن ثارت الهيه◆وأهل السلام وهل التوحيد راعيها
- 16ياذخر الأسلام يادار العروبيه◆تفديك الأوطان والأرواح نفديها