شبية الريح
عبد الرحمن بن مساعد25 بيت
- العصر:
- العصر الحديث
- 1شبية الريح◆وش باقي من الآلام
- 2وش باقي من الأحلام◆وش باقي من الأوهام
- 3غير اني .. الاقي في هجيرك فيّ◆الاقي في ظلامك ضيّ
- 4واوقد شمعتي في الريح◆اذا تسمح بغيب شوي
- 5ابجمع همي الباقي◆وادفن صبري الذابل في أوراقي
- 6و برجع لك اذا باقي بنفسك شي◆أنا مقدر أكدر صفوك العاصف
- 7أنا من لي سوى إحساسك الجارف◆بقايا زيف أشواقي
- 8سما أمطار أحداقي◆شبية الريح وش باقي
- 9متى تسكن رياحك◆غرورك هو متى يطلق سراحك
- 10متى تنزف جراحك◆إذا باقي في بحرك موج اكسر فيه مجدافي
- 11إذا باقي في همك هم ماشالته أكتافي◆إذا باقي في هالدنيا حزن مامرني واستوطن أطرافي
- 12إذا باقي من المعجز في هالدنيا◆سوى العنقاء
- 13والا الغول◆والا خلك الوافي
- 14شبية الريح وش باقي ؟!◆وقلبي المركب المتعب وانت الريح
- 15مجاديفي عذاب وهم◆وزادي الوجد والتبريح
- 16وصبري صبر بحّارة◆بغوا في اليم محّارة
- 17غشاهم موج كان من الغضب أغضب◆وكانوا للهلاك أقرب
- 18لولا كثروا التسبيح◆حبيبي الأصدق الأكذب
- 19عجزت اوصل شواطي طبعك الأعذب◆تعبت أنطر في وسط العاصفة
- 20قلب وشعور وعاطفة◆تعبت أجمع ألم كل الموادع
- 21في المواني وأحضن أطيافك◆تعبت السهد في ليل الشوارع
- 22والثواني تنطر انصافك◆تعبت الظلم واجحافك
- 23أنا ودي أكدر صفوك العاصف◆أنا كني نسيت إحساسك الجارف
- 24كيف أسألك : وش باقي ؟◆وأنا الباقي من إحساسي
- 25
ذرته الريح