البرواز
عبد الرحمن بن مساعد16 بيت
- 1قلتي لي إنسى◆ومن يومها وأنا كل ليلة قدامي البرواز
- 2حبر العيون ودمع القلم في دفتري◆وصورتك رغم الألم
- 3ورغم إنها خذت من أطباعك كثير وخانت البرواز◆أشوفها في خاطري
- 4حبيبتي ما بيدي حيلة◆لا صرتي الصورة وعيوني البرواز
- 5أتعبتي الصورة مشاوير◆وتعبت أنا بلقى لغدرك معاذير
- 6وصورتك اللي سجنت بروازها طول السنين◆ويوم نزعت منه الجسد تجرحت أطرافها
- 7وبجروحها راحت لمين .. لبروازها الثاني◆تشبهلك أقداره خانته
- 8حبيبتي .. أو للأسف حبيبته◆لا صرتي الصورة وجفونه البرواز
- 9وشلون ينسى◆حبيبتي لأجل أنسى جرحك واستريح
- 10بأبكي .. وبعد البكى بأبكي◆واكيد في لحظة بتجي وبيجف دمعي
- 11بتعاف برواز الضمى◆بتصير صحرا وهو سما
- 12بتمرني الدمعة الأخيرة◆تاخذ معاها صورتك وتطيح
- 13وكني بهالدمعة سكين جرحها وجهي◆وكني بالمسافة تطول ما بين عيني ودمعتي وخدي
- 14وكني بقلب الحاير المسكين نبضه يقول◆لا تودع الفرقى .. الدمع ما يرقى
- 15وعندها لا نزلت الدمعة من الجرح الأخير◆وفارقت وجهي أنا
- 16بغمض عيوني وأكسر البرواز◆وأكيد بنسى