بطل
عاطف الجندى40 بيت
- 1واقف لوحدك فى الميدان◆بتحارب الخوف الجبان
- 2و انتَ يا صاحبى◆مفطوم وعازم ع النضال
- 3بتشيلها وحدك◆يا صبر قلبك ع المحن
- 4الجرح نازف◆و انت بتقول الوطن !
- 5آه يا وطن يااللى إحنا بعناك للكلاب◆وف دير ياسين
- 6وف حيفا وف يافا وجنين◆الجرح بينادى الكفن !
- 7فين الوطن؟!◆والكل سابك تتحرق
- 8بين المدافع والبارود◆قلبك فولاذ
- 9من مليون شقى◆بتطهر البيت المقدس
- 10من" قُريظه والنَّضِير" 00◆فيك ريحه من ريحة النبى
- 11نفس العيون السود لأخويا◆والعقال جدِّى
- 12والطيبة دى◆ماسك باروتك للخلود
- 13بتقول نعود◆نرسم دمانا ع الحدود
- 14بتصحى مِيتْ مليون عَفي◆إلبس توب نهار
- 15واترك سكون المقبره◆سيبك من الأحلام
- 16وخاصم حييها◆من شط دجلة لعطبرة
- 17شوف اللى كانوا زمان إوَلْ 00◆بقيم 00 ورا
- 18يا حلم وسط الليل◆بيحبى للأملْ
- 19بين الشطوط◆محتار وحيدْ
- 20بتصارع الموج العنيدْ◆والبحر يا صاحبى ضياع
- 21و الصحبه غرقم كلُّهم◆فى بحر نفط مالوش قرار
- 22و "العم سام"◆فارد جناحه
- 23لأ 00 كُلُّهم◆رضيم يعيشوا كالخراف
- 24و اشجع شجيع◆بيقول هانشجب00
- 25بس من تحت اللحاف!◆ما عرفش ليه يا صاحبى
- 26بتخونى دموعى◆لما باشوفك فى الصور
- 27أو باقرا عنك◆بالقى تعابير الزمان
- 28حافره حكايا ف سحنتك◆بالقى الآلآم
- 29يا صاحبى عارفه سِكتكْ◆و انت بتشحت دولتكْ
- 30يا فجر نام الليل على راسك◆وضاعت بسمتك
- 31رعشة شفايفك فى الكلام◆بتقول لى أنا خاين
- 32لإنى رضيت أبيعك◆يا اللى بتحارب لوحدك
- 33- بالحجاره -◆نجمة الزيف والشيطان
- 34يا اللى بترجع " صلاح"◆من بعد غيبته للزمان
- 35لسَّه يا صاحبى الليل طويل◆و احنا معاك
- 36حتى نلقى ف يوم◆بس عاوزين السماح
- 37سامحنا يا صاحبى◆على النوم الطويل
- 38والثورة من الجسم الهزيل◆و اطول طويل
- 39يا صاحبى بيقول السماح◆مهما شُوقنا ف يوم يطول
- 40
لابد هيبان الصباح