يا ونتي ونيتها
طلال السعيد7 بيت
- 1يا ونتي ونيتها حزة النوم◆وقف هبوب الريح زايد ونيني
- 2من خاطر ٍ مفجوع محروم مظلوم◆جريت لي ونات زادت حنيني
- 3اخذت لي ساعه و انا مقدر اقوم◆مالي جدا ما غير افرك يديني
- 4يازين قولي شبدل الصحو بغيوم◆وش غيرك يا منيه النفس فيني
- 5لا مر يوم ٍ قلت بتجيني اليوم◆العمر راح و لا طرالك تجيني
- 6صبرت عام و لاني بصابرٍ دوم◆مدري تبي فرقاي و الا تبيني
- 7ترى السلع تبور من كثرة السوم◆هذا حصل و اليوم وينك و ويني