ورد وتهاني
صالح السنيدي14 بيت
- 1العيد عاد وعود العيد للناس◆فرح وتلاقي والتبادل تهاني
- 2أفراح يوم العيد للطفل أنفاس◆يلعب آماني.. والمنافذ آماني
- 3تلقى صغير السن يكتب فقرطاس◆يكتب تحية حب صدق ومعاني
- 4وراعي الوله يكتب ترانيم وْحساس◆أحب يوم العيد لملم زماني
- 5ويطلق سراح الخيل وتفوح لعراس◆وتجمع الذكرى ذكر كل فاني
- 6وتتصافح الأيام وتقبّل الرأس◆أحضان تتبادل حروف وأغاني
- 7تتعانق الأفراح وتْكاثرّ أخماس◆والنحل يهدي الورد رمز التفاني
- 8والطير ينشد.. في مفاليه نسناس◆هذي صبيحة عيد أجمل ثواني
- 9والبعض يأخذ من بها العيد للباس◆يكفيه من ذى العيد قولت فلاني
- 10وينبل من أللسانه مناشيب وقواس◆راح الفلان ولا رجعلي وجاني
- 11والبعض ياخذ من فضا العيد مقياس◆يحسب حسابه قبل شوف الهواني
- 12والبعض يعطي حب وأشواق والماس◆ألماس في قلبه وبيض المعاني
- 13ياعيد ضم الشوق وأن راح لاباس◆حنا بلهفة عيد والشوق ثاني
- 14ياعيد هاك العود عطر به الناس◆وتتبادل الدنيا ورود وتهاني